បើនិយាយដល់បច្ចេកវិទ្យា លើកុំព្យូទ័រនោះ ក្រុមហ៊ុន Intel Corp ហៅកាត់ INTC.O គឺជាក្រុមហ៊ុនផ្គត់ផ្គង់បន្ទះឈីបធំបំផុតមួយលើពិភពលោក ហើយដោយសារតម្រូវការពីអតិថិជនខ្លាំងពេក ក្រុមហ៊ុនមួយនេះបានបង្ហើបឲ្យដឹងពីគម្រោងថ្មីស្រឡាងមួយរបស់ពួកគេដែលចំណាយទឺកប្រាក់រហូតដល់ខ្ទង់ពាន់លានដុល្លារឯណោះ។
កាលពីថ្ងៃអង្គារ INTC.O បានទម្លាយឲ្យដឹងថា ពួកគេមានគម្រោងពង្រីង និងបង្កើតរោងចក្របន្ថែមនៅតំបន់អឺរ៉ុប ព្រោះតម្រូវការទីផ្សារមានការទាមទារខ្ពស់ ខណៈចំនួនទឹកប្រាក់គ្រោងទម្លាក់ក្នុងផែនការមួយនេះ គឺប្រមាណ ៩៥ ពាន់លានដុល្លារក្នុងរយៈពេល ១០ ឆ្នាំខាងមុខ។
ជាមួយគ្នានោះដែរ នាយកប្រតិបត្តិ Intel លោក Pat Gelsinger បានប្រាប់ទៅកាន់ IAA ថា ក្រុមហ៊ុននឹងធ្វើការប្រកាសជាផ្លូវការសម្រាប់ទីតាំងនៃការបង្កើតរោងចក្រផលិតបន្ទះឈីប ២ នៅតំបន់អឺរ៉ុបនាចុងឆ្នាំនេះ។
បើទោះជាការប្រកាសផ្លូវការនឹងធ្វើឡើងនាចុងឆ្នាំមែន តែបើតាមការសន្និដ្ឋានពីទីតាំងដែល Intel នឹងជ្រើសយកអាចមានដូចជា ប្រទេសអាល្លឺម៉ង់ និងបារាំង ស្របពេលប្រទេសប៉ូឡូញឯណោះវិញ ក៏អាចស្ថិតនៅក្នុងបញ្ជីដែល Intel កំពុងសិក្សាផងដែរ៕
ប្រភព: Reuters
