រដ្ឋមន្ត្រីក្រសួងហិរញ្ញវត្ថុកូរ៉េខាងត្បូងបានប្រកាសថា រដ្ឋាភិបាលមានគម្រោងប្រើប្រាស់ថវិកាដែលបានមកពីការប្រមូលពន្ធ ដើម្បីជួយទ្រទ្រង់ដល់អាជីវកម្មខ្នាតតូចដែលជួបបញ្ហា ដោយសារវិបត្តិកូវីដ ១៩ កន្លងមក។
លោក Hong Nam-ki បានលើកឡើងនៅក្នុងកិច្ចប្រជុំគោលនយោបាយថា ទឹកប្រាក់ប្រមាណ ៥,៣ ទ្រីលានវ៉ុន ឬប្រមាណ ៤,៥ ពាន់លានដុល្លារ ដែលបានមកពីការប្រមូលពន្ធឆ្នាំនេះ នឹងចាយសម្រាប់ការទ្រទ្រង់អាជីវកម្មខ្នាតតូចពាសពេញប្រទេស។
ទឹកប្រាក់មួយចំនួនធំនឹងដាក់ឲ្យប្រើប្រាស់ និងអាចជាកម្ចីការប្រាក់ទាប សម្រាប់អាជីវកម្មខ្នាតតូច ខណៈ ២,៥ ទ្រីលានវ៉ុន ឬជាង ២ ពាន់លានដុល្លារទៀតគឺនឹងប្រើសម្រាប់កាត់បន្ថយការចេញប័ណ្ណរតនាគារ។
បញ្ជាក់ដែរថា មន្ត្រីហិរញ្ញវត្ថុអះអាងថា នឹងរំពឹងបានប្រាក់ចំណូលពីផ្នែកពន្ធដារប្រមាណ ១៩ ទ្រីលានវ៉ុននៅឆ្នាំនេះ ខណៈមួយភាគធំនៃចំនួននេះគឺសង្ឃឹមបានមកពីពន្ធនៃអចលនទ្រព្យ ដោយរដ្ឋាភិបាលរំពឹងថានឹងអាចបានច្រើនជាងឆ្នាំទៅ ៣ ដងឯណោះ៕
ប្រភព: CNA
