ឧកញ៉ា អ៊ាន សៀវម៉ី ត្រូវបានក្រុមចោរប្រដាប់ដោយអាវុធប្លន់ យកគ្រឿងអលង្ការ និងលុយទ្ទង់លានដុល្លារ

អ្នកជំនួញអនឡាញរូបស្រស់ដ៏ល្បីឈ្មោះ ឧកញ៉ា អ៊ាម សៀវម៉ី ត្រូវបានក្រុមចោរប្រដាប់អាវុធចំនួន ៤ នាក់ ធ្វើសកម្មភាពប្លន់នៅវេលាម៉ោង ១០:៤០នាទី ព្រឹកថ្ងៃ១៩ ខែធ្នូ ឆ្នាំ២០២១នេះ ដោយយកគ្រឿងអលង្ការ និងលុយដុល្លារសរុបជាទឹកប្រាក់ខ្ទង់លានដុល្លារ។

លោក ម៉ន វុទ្ធី អធិការនគរបាលខណ្ឌពោធិ៍សែនជ័យ បានឪ្យថា ករណីប្លន់នេះ បានកើតឡើងនៅចំណុចផ្ទះលេខវី០១ បុរីមូនថោន ភូមិគោកចំបក់ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ដោយក្រុមចោរប្រដាប់អាវុធមានគ្នាចំនួន ៤នាក់ មិនទាន់ស្គាល់អត្តសញ្ញាណ។

ភ្លាមៗ កម្លាំងចម្រុះចុះទៅទីតាំងកើតហេតុ ដាក់បម្រាមមិនអនុញ្ញាតចូលទៅទីកន្លែងកើតហេតុឡើយ ខណៈសមត្ថកិច្ចកំពុងធ្វើការស្រាវជ្រាវ ជុំវិញករណីភ្ជង់គំរាមយកទ្រព្យសម្បត្តិ៕