បច្ចុប្បន្ន ស្ទើរតែមនុស្សគ្រប់គ្នាជាពិសេសគឺវ័យជំទង់តែម្ដង ដែលមានបញ្ហាជាមួយការគេងមិនលក់ បណ្ដាលឲ្យគ្រប់គ្នាភ្នែកខ្មៅដូចខ្លាឃ្មុំផេនដា។
យ៉ាងណា ប្រិយមិត្តមិនចាំបាច់បារម្ភទៀតឡើយ ព្រោះសម្រាប់អត្ថបទមួយនេះមហាសេដ្ឋី Bill Gates បានចែករំលែកពីគន្លឹះ ២ យ៉ាង សម្រាប់ជួយឲ្យគ្រប់គ្នាឆាប់គេងលក់ស្កប់ស្កល់។
ប្រាប់នៅក្នុងកម្មវិធី Reddit AMA មហាសេដ្ឋីបច្ចេកវិទ្យារូបនេះ បង្ហើបថា រៀងរាល់ល្ងាចដើម្បីធ្វើឲ្យអារម្មណ៍របស់លោកជ្រះថ្លា មុនចូលសម្រាកគឺ លោកតែងតែលាងចានឆ្នាំងជារៀងរាល់យប់។ នេះបើតាមសម្ដីរបស់ស្ថាបនិក Microsoft និយាយកាលពីឆ្នាំ ២០១៤។
ក្រៅពីការលាងចានឆ្នាំងនេះ Bill Gates ក៏បានបង្ហើបទៀតថា លោកតែងតែអានសៀវភៅរយៈពេល ១ ម៉ោងមុនចូលគេងជារៀងរាល់យប់ ដើម្បីឲ្យអារម្មណ៍ស្ងប់ ខណៈលោកគឺជាមនុស្សម្នាក់ដែលគ្រប់គ្នាដឹងថា ស្រលាញ់ការអានខ្លាំងមែនទែន។
បញ្ជាក់ដែរថា ជាធម្មតាការគេងលក់ស្កប់ស្កល់ផ្ដល់អត្ថប្រយោជន៍ជាច្រើនសម្រាប់មនុស្សគ្រប់គ្នា។ ជាក់ស្ដែងវាក៏អាចជួយរក្សាសុខភាព និងគ្រប់គ្រងអារម្មណ៍របស់យើងម្នាក់ៗបានល្អ ជាងកង្វះការគេងផងដែរ៕
ប្រភព: thelist
