កាលពីពេលកន្លងទៅ Forbes បានទម្លាយបញ្ជីឈ្មោះអ្នកមានបំផុតប្រចាំឆ្នាំ ២០២២ ដែលត្រូវជាឆ្នាំទី ៣៦ ដែលទស្សនាវដ្ដីអាមេរិកបានរៀបចំកម្មវិធីមួយនេះ។
សម្រាប់ឆ្នាំថ្មីនេះផងដែរ ស្ថាបនិកក្រុមហ៊ុន SpaceX គឺ Elon Musk បានក្លាយជាអ្នកមានបំផុតប្រចាំឆ្នាំ ២០២២ ជាផ្លូវការ ដែលរៀបចំឡើងដោយ Forbes ស្របពេលតារាចម្រៀងស្រីល្បីឈ្មោះ Rihanna ក៏បានបង្ហាញខ្លួនលើកដំបូងជាផ្លូវការក្នុងនាមជាមហាសេដ្ឋីតាមរយៈទស្សនាវដ្ដីនេះផងដែរ។
ដោយឡែក សម្រាប់មុខតំណែងបុគ្គលមានទ្រព្យច្រើនបំផុតលើលោកទាំង ១០ រូបប្រចាំឆ្នាំ ២០២២ វិញ គឺគេសង្កេតឃើញថា Mark Zuckerberg ដែលជាស្ថាបនិកបណ្ដាញសង្គមធំបំផុតលើលោក Facebook មិនមានឈ្មោះនៅក្នុងនោះឡើយ ពោលគឺបានខ្ទាតទៅដល់ចំណាត់ថ្នាក់លេខ ១៥ ឯណោះ ជាមួយទំហំទ្រព្យសម្បត្តិ ៦៧,៣ ពាន់លានដុល្លារ។
ក្រឡេកទៅមើលបញ្ជីឈ្មោះមហាសេដ្ឋីមានបំផុតលើលោកទាំង ១០ រូបប្រចាំឆ្នាំ ២០២២ ដែលរៀបចំដោយ Forbes គឺមានដូចខាងក្រោម៖
- Elon Musk មានទ្រព្យសម្បត្តិសរុប ២១៩ ពាន់លានដុល្លារ
- Jeff Bezos មានទ្រព្យសម្បត្តិសរុប ១៧១ ពាន់លានដុល្លារ
- Bernard Arnault និងគ្រួសារ មានទ្រព្យសម្បត្តិសរុប ១៥៨ ពាន់លានដុល្លារ
- Bill Gates មានទ្រព្យសម្បត្តិសរុប ១២៩ ពាន់លានដុល្លារ
- Warren Buffett មានទ្រព្យសម្បត្តិសរុប ១១៨ ពាន់លានដុល្លារ
- Larry Page មានទ្រព្យសម្បត្តិសរុប ១១១ ពាន់លានដុល្លារ
- Sergey Brin មានទ្រព្យសម្បត្តិសរុប ១០៧ ពាន់លានដុល្លារ
- Larry Ellison មានទ្រព្យសម្បត្តិសរុប ១០៦ ពាន់លានដុល្លារ
- Steve Ballmer មានទ្រព្យសម្បត្តិសរុប ៩១,៤ ពាន់លានដុល្លារ
- Mukesh Ambani មានទ្រព្យសម្បត្តិសរុប ៩០,៧ ពាន់លានដុល្លារ៕
ប្រភព: Technosports
