ថ្ងៃស្អែកក្រុមហ៊ុនល្បីៗ រៀបចំសិក្ខាសាលាស្ដីពី អចលនទ្រព្យនៃកម្ពុជា ៤.០

ក្រុមហ៊ុនអចលនទ្រព្យជាច្រើនរួមគ្នារៀបចំសិក្ខាសាលាស្ដីពី អចលនទ្រព្យនៃកម្ពុជា ៤.០ និងការជំរុញលើកទឹកចិត្ត ក្រោមវត្តមានវាគ្មិនជំនាញៗខាងវិស័យអចលនទ្រព្យនឹងប្រព្រឹត្តិទៅនៅថ្ងៃទី០១ ខែឧសភា ឆ្នាំ២០២២នេះ ចាប់ពីម៉ោង ៨ព្រឹក ដល់ម៉ោង ៤ ល្ងាច។

ក្រុមហ៊ុននោះរួមមាន ក្រុមហ៊ុនអន្តរជាតិ Kw Cambodia ក្រុមហ៊ុនអចលនទ្រព្យអន្តរជាតិ Kw Sam Sn ក្រុមហ៊ុន Urban Village។ ជាមួយគ្នានេះដែរ សារព័ត៌មានឧកញ៉ាញូស៍ ដែលជាគេហទំព័រឈានមុខលើមាតិកាជុំវិញឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព នៅកម្ពុជាក៏បានចូលរួមយុទ្ធនាការសិក្ខាសាលានេះផងដែរ។

កម្មវិធីនេះ អនុញ្ញាតឱ្យសាធារណៈជនចូលរួមដោយឥតគិតថ្លៃ ដែលមានទីតាំងនៅ Factory Phnom Penh () ជិតផ្លូវសម្ដេចតេជោ ហ៊ុន សែន ៦០ម៉ែត្រ។

វាគ្មិនកិត្តិយសចូលរួមចែករំលែកបទពិសោធន៍ និងចំណេះដឹងថ្ងៃនោះរួមមាន៖

១. បណ្ឌិត Ben Li៖ ជាគ្រូបង្វឹកជំរុញលើកទឹកចិត្ត និងជាប្រធានក្រុមហ៊ុនអភិវឌ្ឍខុនដូកំរិតអន្តរជាតិ Urban Hub Cambodia

២. បណ្ឌិត ភូ សម្បត្តិ៖ ជាអនុប្រធានក្រុមហ៊ុនអន្តរជាតិ Kw Cambodia

៣. ឧកញ៉ា សំ សុខនឿន៖ ជាប្រធានសមាគមអចលនទ្រព្យសកល និងជាប្រធានក្រុមហ៊ុនអចលនទ្រព្យអន្តរជាតិ Kw Sam Sn

៤. លោក ឡោ វិចិត្រ៖ ជានាយកផ្នែកបណ្តុះបណ្តាល នៃក្រុមហ៊ុនអចលនទ្រព្យអន្តរជាតិ Kw Sam Sn

៥. លោក ឡី កំថូង នាយកប្រតិបត្តិក្រុមហ៊ុន CheckInMe

បញ្ជាក់៖ កម្មវិធីសិក្ខាសាលាអចលនទ្រណ្យចូលរូមដោយឥតគិតថ្លៃ នឹងបើកទទួលអ្នកចូលរួមត្រឹមតែ ១០០ នាក់ តែប៉ុនណ្ណោះ។ លេខទូរស័ព្ទទំនាក់ទំនងចុះឈ្មោះ៖ ០៦១ ៥៨៧ ៧២៣ ឬ ០៩៣ ៣១០ ៧៣៧