អគ្គនាយកក្រុមហ៊ុន ហ្គាឡាក់ស៊ី ណាវ៉ាត់ត្រា គ្រុប អ្នកឧកញ៉ា ឡេង ណាវ៉ាត្រា ដែលមហាជនស្គាល់ថា ជាមហាសេដ្ឋីវ័យក្មេងម្នាក់កំពុងតែមានប្រជាប្រិយភាពជោគជ័យលើវិស័យជំនួញធំៗជាច្រើននៅកម្ពុជា។
បច្ចុប្បន្នអ្នកឧកញ៉ា បានបង្ហាញចំណាប់អារម្មណ៍ខ្ពស់ លើការចង់ជម្រុញបន្ថែមលើការវិនិយោគវិស័យកសិកម្ម និងនាំចេញផលិតផលកសិកម្មរបស់កម្ពុជាទៅកាន់ទីផ្សារអន្តរជាតិ។
ជាក់ស្តែង កាលពីពេលថ្មីៗនេះ អ្នកឧកញ៉ា ឡេង ណាវ៉ាត្រា ជួបពិភាក្សាការងារជាមួយលោក Lee Changhoon តំណាងជាន់ខ្ពស់ក្រុមហ៊ុន Hyundai Corporation និងជាអតីតនាយកប្រតិបត្តិក្រុមហ៊ុន Hyundai Agro ប្រចាំកម្ពុជា និងសម្ព័ន្ធក្រុមហ៊ុន Hyundai ៥ ផ្សេងទៀត និងសហការី នៅគេហដ្ឋានរបស់លោកផ្ទាល់ នៅរាជធានីភ្នំពេញ។
ក្រុមហ៊ុន Hyundai ពេលបច្ចុប្បន្នបាននឹងកំពុង នាំចេញផលិតផលកសិកម្ម រួមមានផ្លែស្វាយ ត្រយ៉ូងចេក ស្លឹកចេក រំដេង និងស្លឹកគ្រៃ ។ល។ របស់កម្ពុជាទៅកាន់ទីផ្សារកូរ៉េ បារាំង ហុងកុង ចិន ឌូបៃ និងប្រទេសផ្សេងទៀត។
អ្នកឧកញ៉ា ថ្លៃងបញ្ជាក់បន្ថែមថា ក្រុមការងារយើងមានចំណាប់អារម្មណ៍ខ្ពស់ ហើយកំពុងសិក្សា វាយតម្លៃ ដើម្បីចូលរួមជម្រុញបន្ថែមលើការវិនិយោគវិស័យកសិកម្ម និងនាំចេញផលិតផលកសិកម្មរបស់កម្ពុជាទៅបណ្តាប្រទេសផ្សេងទៀតឲ្យបានកាន់តែច្រើនផងដែរ។
សូមជម្រាបថា ក្នុងរយៈពេល១២ខែ ឆ្នាំ២០២១ កន្លងទៅនេះ ប្រទេសកម្ពុជាបាននាំចេញផលិតផលកសិកម្មរបស់ខ្លួន ដែលមានតម្លៃជាទឹកប្រាក់ប្រមាណ៥ពាន់លានដុល្លារ។ បើតាមរបាយការណ៍បឋមរបស់ក្រសួងកសិកម្ម ។
របាយការណ៍ដដែលបង្ហាញថាការនាំចេញស្រូវ អង្ករ និងកសិផលក្រៅពីស្រូវ អង្ករ មានទំហំទឹកប្រាក់ធំជាងគេ ក្នុងចំណោមកសិផលសំខាន់ៗដទៃទៀតនៃវិស័យកសិកម្ម៕
