យោងតាមការចុះផ្សាយពី Forbes បានបង្ហាញឲ្យឃើញថា បញ្ជីឈ្មោះមហាសេដ្ឋីមានបំផុត ១០ រូបលើលោកនាសប្ដាហ៍នេះ គឺមានការផ្លាស់ប្ដូរបន្តិចបន្តួច ប៉ុន្តែតំណែងនៅ Top 3 គឺនៅដដែលជាច្រើនសប្ដាហ៍មកហើយ។
Elon Musk ឈរនៅកំពូលតារាង មានមហាសេដ្ឋីមានដាច់គេនៅអឺរ៉ុប Bernard Arnault អង្គុយនៅកៅអីលេខ ២ ខណៈស្ថាបនិក Amazon លោក Jeff Bezos រក្សាតំណែងទី ៣ អស់រយៈពេលរាប់ខែ។
ដោយឡែក ការប្រែប្រួលនៃបញ្ជីអ្នកមានបំផុត ១០ រូបនៃដើមខែកក្កដាវិញ គឺមិនមានវត្តមានបុគ្គលថ្មីឡើយ ពោលគ្រាន់តែលំដាប់លេខរៀងរបស់ពួកគេមានការឆ្លាស់គ្នាប៉ុណ្ណោះ។
តទៅនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០ រូបគិតត្រឹមថ្ងៃទី ០២ កក្កដា៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២២១,៤ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៤៦,៨ ពាន់លានដុល្លារ
3. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៣៥,៣ ពាន់លានដុល្លារ
4. Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១២៤,១ ពាន់លានដុល្លារ
5. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១០២,១ ពាន់លានដុល្លារ
6. Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ៩៦,៩ ពាន់លានដុល្លារ
7. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ៩៦,៣ ពាន់លានដុល្លារ
8. Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩៤,១ ពាន់លានដុល្លារ
9. Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩០,៥ ពាន់លានដុល្លារ
10. Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៨៨,៣ ពាន់លានដុល្លារ៕
