វាជាលើកទីមួយក្នុងរយៈពេលជាច្រើនខែ ដែលបញ្ជីអ្នកមានបំផុតលើលោកទាំង ១០ រូប មានការប្រែប្រួល ដោយមានសមាសភាពថ្មីឡើងមកកាន់តំណែងមួយនេះ។
យោងតាមការចុះផ្សាយពី Forbes Real Time Billionaires បានបង្ហាញឲ្យឃើញថា ស្ដេចត្រាញ់ឥណ្ឌា Mukesh Ambani បានរបូតតំណែង Top 10 ជាមហាសេដ្ឋីមានបំផុតលើលោក ហើយបច្ចុប្បន្នលោកឈរនៅលេខរៀងទី ១១។
ដោយឡែកបុរសដែលបានមកគ្រងតំណែងជំនួសស្ថាបនិក Reliance Industries វិញ គឺមានឈ្មោះ Steve Ballmer ជាវិនិយោគិនជនជាតិអាមេរិក ដែលធ្លាប់គ្រងតំណែងជានាយកប្រតិបត្តិនៃក្រុមហ៊ុន Microsoft ពីឆ្នាំ ២០០០ ដល់ ២០១៤ ផងដែរ។
តោះ! កុំរង់ចាំយូរ សូមក្រឡេកទៅមើលបញ្ជីឈ្មោះអ្នកមានបំផុតលើលោកទាំង ១០ រូបគិតត្រឹមថ្ងៃទី ០៩ កក្កដា ២០២២ ដូចតទៅ៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២៣៧,៩ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៤៩,២ ពាន់លានដុល្លារ
3. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៤១,២ ពាន់លានដុល្លារ
4. Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១២៤,៦ ពាន់លានដុល្លារ
5. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១០៥,១ ពាន់លានដុល្លារ
6. Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ១០២,៦ ពាន់លានដុល្លារ
7. Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ៩៩ ពាន់លានដុល្លារ
8. Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩៨,៦ ពាន់លានដុល្លារ
9. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ៩៧,៧ ពាន់លានដុល្លារ
10. Steve Ballmer អតីត CEO នៃក្រុមហ៊ុន Microsoft មានទ្រព្យសម្បត្តិសរុបប្រមាណ ៨៨,១ ពាន់លានដុល្លារ៕
