វេជ្ជបណ្ឌិតម្នាក់ ត្រូវបានព្រះមហាក្សត្រ ផ្តល់គោរមងារ «ឧកញ៉ា»

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ បង្គាប់ផ្តល់បរមងារជា «ឧកញ៉ា» ដល់វេជ្ជបណ្ឌិត ចាប លីមឃាង តាមព្រះរាជក្រឹត្យលេខ នស/រកត/០៨២២/៩២០ ចុះថ្ងៃទី៩ ខែសីហា ឆ្នាំ២០២២។

ព្រះរាជក្រឹត្យផ្តល់គោរមងារឧកញ៉ា ដល់លោក ចាប លឹមឃាង ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។

វេជ្ជបណ្ឌិត ឧកញ៉ា ចាប លីមឃាង បច្ចុប្បន្នកំពុងបំរើការងារនៅមន្ទីរពេទ្យមិត្តភាពខ្មែរ-សូវៀត៕