ឧត្តមសេនីយ៍ទោម្នាក់ ត្រូវបានតែងតាំងជាអគ្គនាយករង នាយកដ្ឋានភស្តុភារ ហិរញ្ញវត្ថុ ក្រសួងការពារជាតិ

រាជរដ្ឋាភិបាល សម្រេចតែងតាំងលោក ម៉ឹង ពន្លក ជាអគ្គនាយករង នៃអគ្គនាយកដ្ឋានភស្តុភារ ហិរញ្ញវត្ថុ ក្រសួងការពារជាតិ កាលពីថ្ងៃទី១០ ខែសីហា ឆ្នាំ២០២២ ដែលចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្រ្តី។

មុនឡើងជាអគ្គនាយករង នៃអគ្គនាយកដ្ឋានភស្តុភារ ហិរញ្ញវត្ថុ លោក ម៉ឺង ពន្លក​ មានតួនាទីជាឧត្តមសេនីយ៍ទោ មានអត្តលេខ ០០៣២០៩ ជាអនុប្រធាននាយកដ្ឋានហិរញ្ញវត្ថុក្រសួងការពារជាតិ។

ក្រៅពីបំពេញការងារជាមួយនាយទាហាន កងយោធពលខេមរភូមិន្ទ លោក ម៉ឹង ពន្លក ត្រូវបានគណបក្សប្រជាជនកម្ពុជា ចាត់តាំងជាសមាជិកយុវជនគណបក្សប្រជាជនកម្ពុជាថ្នាក់កណ្តាល កាលពីថ្ងៃទី១៥ ខែមិថុនា ឆ្នាំ២០២០កន្លងទៅ និងជាប្រធានក្រុមការងាររៀបចំអង្គការចាត់តាំងយុវជនគណបក្សនៅសហរដ្ឋអាមេរិក។

លើសពីនេះ លោកក៏ជាប្រធានក្រុមចលនាយុវជន ១៥៧ ផងដែរ៕