ប្រធានមន្ទីរពេទ្យក្រុង Wuhan ដែលជាកន្លែងផ្ទុះឡើងកូរ៉ូណាវីរុសដំបូង បានស្លាប់នៅព្រឹកថ្ងៃអង្គារនេះហើយដោយសារឆ្លងវីរុស។ នេះបើ យោងតាមសារព័ត៌មានរដ្ឋ CCTV ចេញផ្សាយប៉ុន្មាននាទីមុននេះ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមសារព័ត៌មានរដ្ឋ CCTV ឲ្យដឹងថា លោក Liu Zhimming ប្រធានមន្ទីរពេទ្យ Wuchang ក្នុងទីក្រុង Wuhan បានស្លាប់នៅម៉ោង ១០:៥៤នាទីព្រឹក ក្នុងវ័យ ៥១ឆ្នាំ ក្រោយពេលដែលការព្យាយាមជួយសង្គ្រោះទាំងអស់បរាជ័យ។ ជាមួយគ្នាដែរ យ៉ាងហោចណាស់បុគ្គលិកពេទ្យចំនួន ៦ នាក់ផ្សេងទៀតនៅក្នុងប្រទេសចិនបានស្លាប់ដោយសារវីរុសនេះ ខណៈដែលមនុស្ស ១ ៧១៦ នាក់ផ្សេងទៀតបានឆ្លងជំងឺ។គួរបញ្ជាក់ថា មកទល់ពេលនេះ កូរ៉ូណាវីរុសបានសម្លាប់មនុស្សសរុបកើនដល់ ១៨៦៣នាក់ ខណៈដែល ៧២ ៣០០ផ្សេងឆ្លងវីរុស៕
