គិតត្រឹមថ្ងៃទី ១៥ តុលា ២០២២ នេះ បញ្ជីអ្នកមានបំផុតទាំង ១០ រូបលើលោកនាពេលបច្ចុប្បន្ន គឺមិនមានការប្រែប្រួលឡើយ បើធៀបនឹងសប្ដាហ៍កន្លងៗទៅ។
ប៉ុន្តែអ្វីដែលប្រែប្រួល គឺទិន្នន័យទ្រព្យសម្បត្តិរបស់បុគ្គលទាំងនោះ ពោលមហាសេដ្ឋីមានបំផុតទាំង ៥ រូបនាសប្ដាហ៍នេះ បានរបូតទ្រព្យសម្បត្តិព្រមៗគ្នាតែម្ដង បើធៀបនឹងសប្ដាហ៍មុន។ នេះបើតាមតាមរបាយការណ៍ចុះផ្សាយដោយ Forbes។
ក្នុងចំណោមអ្នកទាំង ៥ មហាសេដ្ឋីមានបំផុតនៅអឺរ៉ុប Bernard Arnault របូតលុយតិចបំផុត ប្រមាណ ២០០ លានដុល្លារ ខណៈមហាសេដ្ឋីមានជាងគេលើលោក Elon Musk ខាតបង់ច្រើនជាងគេប្រហែល ១២ ពាន់លានដុល្លារ។
តទៅនេះគឺជាបញ្ជីឈ្មោះមហាសេដ្ឋីមានបំផុតទាំង ១០ រូប គិតត្រឹមថ្ងៃទី ១៥ តុលាដូចតទៅ៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២០៧,៧ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៤៧,២ ពាន់លានដុល្លារ
3. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៣០,៤ ពាន់លានដុល្លារ
4. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១២៤,៤ ពាន់លានដុល្លារ
5. Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ៩៩,៨ ពាន់លានដុល្លារ
6. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ៩៥,៥ ពាន់លានដុល្លារ
7. Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ៨៧,៤ ពាន់លានដុល្លារ
8. Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៨៤ ពាន់លានដុល្លារ
9/Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៨៣,៩ ពាន់លានដុល្លារ
10.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៨០,៥ ពាន់លានដុល្លារ៕
