ភ្នំពេញ៖ ក្រសួងសុខាភិបាលកម្ពុជា បានប្រកាស មិនអនុញ្ញាតឲ្យជនបរទេស មកពីប្រទេសអ៉ីតាលី អាល្លឺម៉ង់ អេស្ប៉ាញ បារាំង និងអាមេរិក ចូលប្រទេសកម្ពុជា ដើម្បីទប់ស្កាត់ការរីករាលដាល និងឆ្លងជំងឺកូវីដ១៩។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
បម្រាមនេះ មានរយៈពេល៣០ថ្ងៃ ចាប់ពីថ្ងៃទី១៧ ខែមីនាតទៅ។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី ១៤ ខែមីនា ឆ្នាំ ២០២០។ ក្នុងនៅក្នុងចំណោមការដាក់បម្រាមប្រទេសទាំង៥ មិនឲ្យចូលកម្ពុជា ពុំមានប្រទេសចិននោះទេ ខណៈដែលចិន ជាប្រទេសដែលមានវីរុសកូវីដ១៩មុនដំបូងគេ។
យោងតាមរបាយការណ៍អំពីស្ថានភាពរាតត្បាតនៃវីរុសកូវីដ១៩ របស់អង្គការសុខភាពពិភពលោក ចុះថ្ងៃទី ១២ ខែមីនា បានបង្ហាញថា នៅលើពិភពលោក មានប្រទេសចំនួន ១១៩ហើយ ដែលមានការរាតត្បាតវីរុសកូវីដ១៩។
ចំណែកនៅកម្ពុជា គិតត្រឹមថ្ងៃទី១៤ ខែមីនា ឆ្នាំ២០២០នេះ កម្ពុជាបានរកឃើញកូវីដ១៩ ចំនួន៧ករណីហើយ ៕
