សម្ដេចក្រឡាហោម ស ខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃអធិបតីក្នុងពិធីជួបសំណេះសំណាលជាមួយមន្ត្រីនគរបាលអន្តោប្រវេសន៍ នៅអាកាសយានដ្ឋានអន្តរជាតិភ្នំពេញ នាព្រឹកថ្ងៃទី២៤ ខែមីនា ឆ្នាំ២០២០ បានដាក់ចេញវិធានការធំៗចំនួន៣ ក្នុងតួនាទី ប៉ូលិស ប្រឆាំងសង្គ្រាម Covid-19 ដែលកំពុងតែធ្វើឲ្យពិភពលោកទាំងមូលមានការភ័យខ្លាចនេះ។
បទបញ្ជាក់ទាំង៣ចំណុចធំ ត្រូវមន្ត្រីប៉ូលិសត្រូវអនុវត្តនោះរួមមាន៖
១/ មន្ត្រីប៉ូលិស ត្រូវអនុវត្តតួនាទីវិជ្ជាជីវៈ បច្ចេកទេស
ត្រង់ចំណុចនេះ សម្ដេចក្រឡាហោម ស ខេង បានផ្ដោតសំខាន់ខានទៅលើ ប៉ូលិសអន្តោប្រវេសន៍ ត្រូវពិនិត្យឲ្យបានម៉ត់ចត់ រាល់ភ្ញៀវដែលបានចូល មកប្រទេសកម្ពុជា មានសិលធ៌មល្អ។ រាល់ភ្ញៀវដែលចូលមក ត្រូវដឹងថា សម្រាកនៅកន្លែងណា ទីតាំងដែលគាត់ដេក អូតែលណា បន្ទប់លេខប៉ុន្មាន? ខនដូ ណា? បន្ទប់លេខប៉ុន្មាន?
ជាមួយគ្នានោះដែរ សម្ដេចក្រឡាហោម ក៏បាន អំពាវនាវ ម្ចាស់សណ្ឋាគារ ម្ចាស់ផ្ទះសំណាក់ សហការជាមួយ អាជ្ញាធរសមត្ថកិច្ច ប៉ុស្តិ ខណ្ឌ ស្រុក ឃុំ ជាដើម មានមុខសញ្ញាថ្មី ត្រូវរាយការណ៍ ។
២/ រួមចំណែកការពារសង្គម
ត្រង់ចំណុចនេះ សម្ដេចក្រឡាហោម ស ខេង បានផ្ដោតសំខាន់ខានទៅលើ មន្ត្រីប៉ូលិស ត្រូវធ្វើការងារចាត់តាំងតាមសក្ដិ ដូចជាការពារសុខសុវត្ថិភាព ជូនពលរដ្ឋមកពិនិត្យ ដែលកន្លងមកបានធ្វើរួចហើយ សូមបន្តធ្វើកិច្ចការនេះ។
៣/
ការពារខ្លួនឯង
ត្រង់ចំណុចនេះ
សម្ដេចក្រឡាហោម ស ខេង
ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ
បានណែនាំឲ្យ មន្ត្រីប៉ូលិសទាំងអស់
ត្រូវចេះការពារខ្លួនឯង
មានន័យថា ត្រូវអនាម័យខ្លួនឯង
ស្ដាប់តាមក្បួនសុខាភិបាល
។
