ក្រុមហ៊ុន Royal Group តាមរយៈក្រុមហ៊ុនបុត្រសម្ព័ន្ធគ្រប់គ្រងទាំងស្រុងរបស់ខ្លួន Royal Railway PLC នឹងត្រូវបានគេដឹងថា ជាក្រុមអ្នកឧកញ៉ា គិត ម៉េង បានប្រកាសបោះលក់មូលបត្របំណុលលើកទី២ តម្លៃ២៤លានដុល្លារ ជួយជំរុញហេដ្ឋារចនាសម្ព័ន្ធផ្លូវដែកកម្ពុជា។ ការប្រកាសនេះ បានធ្វើឡើងក្រោមវត្តមាន លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុក ជាអគ្គនាយកនិយតករមូលបត្រកម្ពុជា (SERC) នៅថ្ងៃទី២២ ខែធ្នូនេះ។
បើតាមប្រធាននាយកក្រុមប្រឹក្សាភិបាលក្រុមហ៊ុន Royal Group និង Royal Railways អ្នកឧកញ៉ា គិត ម៉េង បានឱ្យដឹងថា ទឹកប្រាក់ចំនួន២៤លានដុល្លារ ដែលបានចុះបញ្ជី Bond និងការវិនិយោគរបស់ខ្លួន ទៅក្នុងក្រុមហ៊ុន Royal Railway Plc នឹងអភិវឌ្ឍជាយុទ្ធសាស្ត្រដ៏សំខាន់លើវិស័យហេដ្ឋារចនាសម្ព័ន្ធផ្លូវដែក ដើម្បីគាំទ្រដល់ការកើនឡើងនូវតម្រូវការដឹកជញ្ជូនរបស់កម្ពុជា តាមរយៈការបង្កើនសមត្ថភាព ការដឹកជញ្ជូនប្រកបដោយសុវត្ថិភាព និងការចំណាយទាប។
លោកថា «មូលបត្របំណុលនេះ គឺជាការប្តេជ្ញាចិត្តរបស់ខ្ញុំ សម្រាប់ការរីកចម្រើនផ្លូវដែក បន្ថែមសេវាកម្មថ្មី និងកាន់តែប្រសើរសម្រាប់ប្រជាជនកម្ពុជា»។
ជមួយគ្នានោះដែរ លោក ស៊ូ សុជាតិ អគ្គនាយកនិយតករមូលបត្រកម្ពុជា បានបញ្ជាក់ដែរថា «នេះជា Bond ទី២ ដែលបានចុះបញ្ជីដោយក្រុមហ៊ុន Royal Railway លើទីផ្សារមូលបត្រកម្ពុជា ដែលប្រាក់ចំណូលនឹងត្រូវប្រើប្រាស់ ដើម្បីបន្តការអភិវឌ្ឍន៍ និងពង្រីកទ្រព្យសម្បត្តិហេដ្ឋារចនាសម្ព័ន្ធដ៏សំខាន់មួយ នៅក្នុងប្រទេសកម្ពុជា។ មូលបត្របំណុលនេះ គឺជាមូលបត្របំណុលហេដ្ឋារចនាសម្ព័ន្ធដំបូងគេ ដែលបានចុះបញ្ជីនៅក្នុងប្រទេសកម្ពុជា ហើយមានលក្ខណៈពិសេសជាច្រើន ដែលមានសក្តានុពលក្នុងការផ្លាស់ប្តូរ ដើម្បីដឹកនាំការផ្តល់មូលនិធិហេដ្ឋារចនាសម្ព័ន្ធនា ពេលអនាគតតាមរយៈទីផ្សារមូលធនក្នុងស្រុក នៅក្នុងប្រទេស»។
មូលបត្របំណុលក៏កំណត់ផងដែរ នូវគោលដៅមួយដែលបានផ្តល់បានការវាយតម្លៃ Kh-AAA ដោយទីភ្នាក់ងារវាយតម្លៃដែលបានបង្កើតឡើងថ្មីនៃ Rating Agency (Cambodia) Plc (ខេមបូឌា) ភីអិលស៊ី។នេះបើតាមការបញ្ជាក់បន្ថែមពីអគ្គនាយកនិយតករមូលបត្រកម្ពុជាខាងលើ៕ អត្ថបទ៖ រង្សី
