អ្នកឧកញ៉ា ទ្រី ភាព ទទួលបានសិទ្ធិវិនិយោគលើគម្រោងអភិវឌ្ឍន៍កោះសំខាន់ៗចំនួន២ ពីរដ្ឋាភិបាល

គិតមកដល់ពេលនេះ គណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុន ទ្រី ភាព (TRY PHEAP KOH TUNSAY RESORTS CO., LTD) ដើម្បីអភិវឌ្ឍន៍កោះចំនួន២ ដែលមានទីតាំងនៅខេត្តកែប។ នេះបើតាមសេចក្តីប្រកាសរបស់ក្រុមប្រឹក្សាអភិវឌ្ឍន៍កម្ពុជាកាលពីពេលកន្លងទៅ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ជាក់ស្តែងបើតាមក្រុមប្រឹក្សាអភិវឌ្ឍន៍កម្ពុជា ធ្លាប់បានឱ្យដឹងថា គម្រោងអភិវឌ្ឍន៍កោះចំនួន២ ដែលមានទីតាំងនៅខេត្តកែបនោះគឺ៖
១. TRY PHEAP KOH TUNSAY RESORTS CO., LTD ទទួលបានសិទ្ធិវិនិយោគលើគម្រោងអភិវឌ្ឍន៍កោះត្បាល់ ដែលមានទីតាំងវិនិយោគស្ថិតនៅភូមិកែប សង្កាត់កែប ក្រុងកែប ខេត្តកែប ក្នុងទុនវិនិយោគចំនួន១៧លានដុល្លារអាម៉េរិក និងអាចបង្កើតការងារបានចំនួន១០៥កន្លែង។
កោះត្បាល់ ជាកោះធម្មជាតិមួយមានទំហំប្រហែលជាង ១០ ហិចតា មានចម្ងាយប្រហែល ៦គីឡូម៉ែត្រ ពីក្រុងកែប និង ធ្វើដំណើរតាមទូកប្រមាណពី ៣៥-៤៥នាទី។

បន្ទាប់ពីមានការស្នើសុំវិនិយោគអភិវឌ្ឍន៍ពីក្រុមហ៊ុន TRY PHEAP KOH TUNSAY RESORTS CO., LTD របស់អ្នកឧកញ៉ា ទ្រី ភាពនេះដែរ កាលពីថ្ងៃទី០២ ខែកញ្ញា ឆ្នាំ២០២២កន្លងទៅ ក្រុមការងាររបស់ក្រុមប្រឹក្សាអភិវឌ្ឍន៍កម្ពុជា ក្រុមការងារគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា និងមន្ត្រីរបស់រដ្ឋបាលខេត្តកែប ក៏បានចុះទៅពិនិត្យមើលស្ថានភាពកោះត្បាល់នេះផងដែរ។

សូមរម្លឹកដែរថា កាលពីឆ្នាំ ២០០៩ រាជរដ្ឋាភិបាលបានប្រគល់សិទ្ធិទៅឲ្យក្រុមហ៊ុនវិនិយោគចំនួនពីរនៅលើកោះទន្សាយ ក៏ប៉ុន្តែនៅឆ្នាំ ២០១៨ រាជរដ្ឋាភិបាលក៏សម្រេចដកសិទ្ធិវិនិយោគមកវិញ ក្រោមហេតុផលថា ក្រុមហ៊ុនទាំងនេះ មិនធ្វើការអភិវឌ្ឍអ្វីទាល់តែសោះ ដោយប្រគល់ទៅឱ្យក្រុមហ៊ុន ទ្រីភាព កោះទន្សាយរីស៊ត ធ្វើការអភិវឌ្ឍជំនួសវិញ នៅឆ្នាំ ២០១៩កន្លងទៅ។

យ៉ាងណាមិញ កោះត្បាល់ ដែលនៅជាប់នឹងកោះទន្សាយ បច្ចុប្បន្នកោះទាំងពីរនេះ គឺកំពុងស្ថិតក្នុងគម្រោងអភិវឌ្ឍន៍របស់ក្រុមហ៊ុន ទ្រី ភាព ផងដែរ ដោយមានចម្ងាយពីគ្នា តែ ១,៥ គីឡូម៉ែត្រប៉ុណ្ណោះ។

គួរបញ្ជាក់ផងដែរថា អ្នកឧកញ៉ា ទ្រី ភាព ត្រូវបានគេដឹងថាជាពាណិជ្ជករកំពុងឈរជើងចាក់គ្រឹះយ៉ាងរឹងមាំនៅក្នុងទឹកដីខេត្តកែប ខណៈដែលកន្លងទៅរាជរដ្ឋាភិបាលសម្រេចផ្តល់ការអនុញ្ញាតិឲ្យធ្វើការអភិវឌ្ឍន៍នៅតាមបណ្តាកោះជាច្រើនកន្លែងរួចមកហើយ៕ អត្ថបទ៖ រង្សី

អត្ថបទទាក់ទង

អ្នកឧកញ៉ាបណ្ឌិត សំ សុខនឿន ទទួលគ្រឿងឥស្សរិយយសថ្នាក់ «ជាតូបការ» ដោយផ្ទាល់ពីសម្តេច ហ៊ុន ម៉ាណែត