មុនបិទទំព័រឆ្នាំ ២០២២ ឧកញ៉ាញ៉ូវស៍ សូមទម្លាយបញ្ជីឈ្មោះមហាសេដ្ឋីមានបំផុតលើលោកទាំង ១០ រូប ដែលក្នុងនោះ មហាសេដ្ឋីបារាំង Bernard Arnault កំពុងឈរនៅកំពូលតារាង ៣ សប្ដាហ៍ជាប់គ្នា នាមជាអ្នកមានដាច់គេលើលោក។
ដោយឡែក សម្រាប់ Elon Musk វិញបានធ្លាក់មកកាន់កៅអីលេខ ២ ហើយទ្រព្យសម្បត្តិរបស់លោកនៅនឹងថ្កល់ ២ សប្ដាហ៍ជាប់គ្នា ស្របពេលមហាសេដ្ឋីមានបំផុតនៅអាស៊ី កំពុងកើបលុយគ្រាក់ៗ។
បើធៀបនឹងសប្ដាហ៍មុន ទ្រព្យសម្បត្តិរបស់ Guatam Adani កើនឡើងជាង ១០ ពាន់លានដុល្លារ ស្របពេលបិតាវិនិយោគិន Warren Buffett ដណ្ដើមកៅអីលេខ ៤ ពីស្ថាបនិក Amazon លោក Jeff Bezos។
តទៅនេះ គឺជាបញ្ជីឈ្មោះមហាសេដ្ឋីមានបំផុត ១០ រូបលើលោក ផ្អែកតាមរបាយការណ៍ផ្ដល់ឲ្យដោយ Forbes គិតត្រឹមថ្ងៃទី ៣១ ធ្នូ ២០២២៖
1. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៧៩,១ ពាន់លានដុល្លារ
2. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ១៤៦,៥ ពាន់លានដុល្លារ
3. Gautam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១២៧,៧ ពាន់លានដុល្លារ
4. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១០៧,៦ ពាន់លានដុល្លារ
5. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១០៧,៣ ពាន់លានដុល្លារ
6.Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០៣,៣ ពាន់លានដុល្លារ
7.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១០២,៤ ពាន់លានដុល្លារ
8.Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៨៩,៦ ពាន់លានដុល្លារ
9.Carlos Slim Helu ស្ថាបនិកក្រុមហ៊ុន Grupo Carso មានទ្រព្យសម្បត្តិសរុបប្រមាណ ៨១,៤ ពាន់លានដុល្លារ
១០.Steve Ballmer អតីត CEO ក្រុមហ៊ុន Microsoft មានទ្រព្យសម្បត្តិសរុបប្រមាណ ៧៨,៥ ពាន់លានដុល្លារ៕
