លោកឧកញ៉ាបណ្ឌិត គីម ហ៊ាង អគ្គនាយកបុរី វិមានសំណាង បានរៀបចំពិធីជប់លៀងឆ្នាំថ្មី មហាគ្រួសារ KH Group ដោយមានការចូលរួមពីភ្ញៀវកិត្តិយស សរុបប្រមាណ ២០១នាក់ នៅការិយាល័យកណ្តាលនៃបុរី វិមានសំណាង កាលពីយប់ថ្ងៃទី០៧ ខែមករា ឆ្នាំ២០២៣។
ពិធីជប់លៀងខាងលើនេះ ក៏បានភ្ជាប់ជាមួយនឹងពិធីខួបកំណើតលោកឧកញ៉ាបណ្ឌិត គីម ហ៊ាង ផងដែរ។ បន្ថែមពីនេះ ក៏មានពិធីពិសារអាហារជាលក្ខណៈមហាគ្រួសារនៃ KH Group.,Ltd, ពិធីផ្តល់លិខិតសរសើរជូនដល់ភ្នាក់ងារលក់ឆ្នើមប្រចាំឆ្នាំ២០២២, កម្មវិធីចាប់ឆ្នោតទទួលរង្វាន់ឆ្នាំថ្មីពី បុរី វិមានសំណាង, កម្មវិធីប្រឡងចម្រៀងក្នុងពានរង្វាន់ “The Voice Vimean Samnang” រដូវកាលទី១ ឆ្នាំ២០២៣ ព្រមទាំងមានពិធីរាំលេងកម្សាន្តទៀតផង។
សូមជម្រាបជូនថា គ្រួសារ KH Group មកពីស្ថាប័ន ឬអង្គភាពជាច្រើនដូចជា ក្រុមហ៊ុន KW Cambodia, KW Khmer Real Estate, KW Sam SN, KW សៀមរាប, KW បាត់ដំបង, KW កំពង់ចាម, បុរី វិមានសំណាង, បុរី ខេអេស រេស៊ីដេន, Khmer Real Estate, ក្រុមបាល់ទាត់ Khmer United, មិត្តវិទ្យាល័យរបស់ឧកញ៉ាបណ្ឌិត គីម ហ៊ាង ព្រមទាំងសមាជិកគ្រួសារសាច់ញាតិរបស់លោកឧកញ៉ាបណ្ឌិត គីម ហ៊ាង ផងដែរ៕
