ខណៈដែលរដ្ឋាភិបាលកម្ពុជា បានសម្រេចបើកឲ្យប្រជាពលរដ្ឋធ្វើដំណើរឆ្លងពីខេត្តមួយទៅខេត្តមួយធម្មតាឡើងវិញ នៅព្រឹកថ្ងៃទី១៦ ខែមេសា ឆ្នាំ២០២០នេះ បន្ទាប់ពីបានបិទអស់រយៈពេល៦ថ្ងៃកន្លងទៅ។ ភ្លាមៗនោះសម្តេចតេជោ ហ៊ុន សែន នាយករដ្ឋមន្ត្រីកម្ពុជា ក៏អំពាវនាវ នឹងក្រើនរម្លឹកដល់បងប្អូនអ្នកបើករថយន្តឈ្នួល និងរថយន្តដឹកទំនិញធំៗទាំង គោរពច្បាប់ចរាចរណ៍។
ការលើកឡើងនេះ គឺធ្វើឡើងនៅលើទំព័រ Facebook របស់សម្តេចតេជោ ហ៊ុន សែន ដោយក្នុងនោះសម្តេច បានអំពាវនាវដល់ប្រជាពលរដ្ឋ ជាពិសេសអ្នកបើករថយន្តតាក់ឈ្នួល និងរថយន្តដឹកទំនិញធំៗ សូមបើកបរដោយការប្រុងប្រយ័ត្នខ្ពស់ និងគោរពច្បាប់ចរាចរណ៍ ដើម្បីសុវត្ថិភាព និងបញ្ចៀសបញ្ហាគ្រោះថ្នាក់ចរាចរ។
ជាងនេះសម្តេច ក៏សូមបងប្អូនប្រជាពលរដ្ឋបើកបរមានការប្រុងប្រយ័ត្នខ្ពស់បំផុតទាំងសុវត្ថិភាពចរាចរណ៍ និងសុវត្ថិភាពសុខភាពផ្ទាល់ខ្លួន ដោយសារថ្ងៃនេះអាចមានអ្នកធ្វើដំណើរច្រើនតាមដងផ្លូវ ដូច្នេះសូមបងប្អូនប្រជាពលរដ្ឋ។
បន្ថែមពីនេះ សម្តេចតេជោ ហ៊ុន សែន ក៏បន្តក្រើនរំលឹកដល់ប្រជាពលដ្ឋ និងកម្មករ កម្មការនី យកចិត្តទុកដាក់ការពារសុខភាពផ្ទាល់ខ្លួនកុំឱ្យឆ្លងមេរោគកូវីដ១៩ ដោយពាក់ម៉ាស និងឧស្សាហ៍ដុសលាងសម្អាតដៃជាមួយទឹកអាល់កុល ឬជែលកម្ចាត់មេរោគ។ ជាពិសេសពេលជិះរថយន្តជាមួយអ្នកធ្វើដំណើរច្រើននាក់ជុំគ្នាក្នុងរថយន្តឈ្នួល៕
ឆ្លៀតឪកាសនោះ សម្តេច ក៏បានអរគុណសារជាថ្មីដល់បងប្អូនជនរួមជាតិដែលបានយោគយល់ដល់កាដាក់បម្រាមមិនអោយធ្វើដំណើរឆ្លងកាត់ខេត្តបណ្តោះអាសន្នរយៈពេលខ្លីកន្លងទៅនេះ ដើម្បីបង្ការទប់ស្កាត់ការឆ្លងរាលដាលជំងឺកូវីឌ -១៩ នៅក្នុងប្រទេសជាតិកន្លងមក៕ អត្ថបទ ៖ សិរីកា
