បញ្ជីឈ្មោះមហាសេដ្ឋីមានបំផុតលើលោកទាំង ១០ រូបនាសប្ដាហ៍នេះ មានការផ្លាស់ប្ដូរច្រើន ជាពិសេសអតីតមហាសេដ្ឋីមានបំផុតនៅអាស៊ី Gautam Adani បានខ្ទាតតំណែងរហូតដល់លេខ ១៧ ឯណោះ។
ទន្ទឹមនឹងនោះ លោកស្រី Francoise Bettencourt Meyers ដែលជាមហាសេដ្ឋីស្រីមានបំផុតលើលោក បានរំកិលខ្លួនឡើងមកដល់តំណែង Top 10 នាមជាអ្នកមានបំផុតលើលោក គិតត្រឹមថ្ងៃទី ០៤ កុម្ភៈ ២០២៣។
យោងតាមការចុះផ្សាយពី Forbes បានបង្ហាញថា បច្ចុប្បន្ន Gautam Adani មានទ្រព្យសម្បត្តិប្រមាណ ៦១,៧ ពាន់លានដុល្លារ ថយចុះជាង ៣៥ ពាន់លានដុល្លារ បើធៀបនឹងសប្ដាហ៍មុន ហើយលោកក៏បានរបូតតំណែងជាអ្នកមានដាច់គេនៅអាស៊ី និងឥណ្ឌាទៅកាន់លោក Mukesh Ambani ថែមទៀត។
ខាងក្រោមនេះគឺជាបញ្ជីឈ្មោះមហាសេដ្ឋីមានបំផុតលើលោកទាំង ១០ រូប គិតត្រឹមថ្ងៃទី ០៤ កុម្ភៈ ២០២៣ ផ្អែកតាមរបាយការណ៍ចុះផ្សាយដោយ Forbes៖
1. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ២២៣,២ ពាន់លានដុល្លារ
2. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ១៨៤,២ ពាន់លានដុល្លារ
3.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១២៦,៥ ពាន់លានដុល្លារ
4.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១១៤ ពាន់លានដុល្លារ
5.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១០៧,១ ពាន់លានដុល្លារ
6.Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០៥,២ ពាន់លានដុល្លារ
7.Carlos Slim Helu ស្ថាបនិកក្រុមហ៊ុន Grupo Carso មានទ្រព្យសម្បត្តិសរុបប្រមាណ ៩០,២ ពាន់លានដុល្លារ
7.Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩០,២ ពាន់លានដុល្លារ
9. Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៨៦,៤ ពាន់លានដុល្លារ
១០.Francoise Bettencourt Meyers ចៅស្រីស្ថាបនិកក្រុមហ៊ុន L’Oreal មានទ្រព្យសម្បត្តិសរុបប្រមាណ ៨៤ ពាន់លានដុល្លារ៕
