ឧកញ៉ាគូស្វាមីម្ចាស់គម្រោង បុរី វិមាន សំណាង ផ្ញើសារគោរពអបអរសាទរ សម្ដេចតេជោ ហ៊ុន សែន ក្នុងឱកាសទទួលបានមេដាយថ្នាក់ខ្ពស់បំផុតពីប្រធានាធិបតីឡាវ

ឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង ម្ចាស់គម្រោងបុរី វិមាន សំណាង សូមគោរពផ្ញើសារអបអរសាទរ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងឱកាស ដែលសម្ដេចទទួលបានមេដាយថ្នាក់ខ្ពស់បំផុតគឺមេដាយ «ផូសៃឡានសាង» ពីលោក ថងលួន ស៊ីសូលីត ប្រធានាធិបតី សាធារណរដ្ឋ ប្រជាធិបតេយ្យប្រជាមានិតឡាវ នាថ្ងៃទី១៤ កុម្ភៈ ឆ្នាំ២០២៣។

ក្នុងឱកាសដ៏វិសេសវិសាល និងគួរជាទីមោទកៈនេះដែរ ឧកញ៉ាទាំងទ្វេ ក៏សូមគោរពបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមប្រោសប្រទានពរជ័យជូន សម្ដេចតេជោ នាយករដ្ឋមន្ត្រី និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងបុត្រា-បុត្រី និងចៅៗជាទីស្រឡាញ់ សូមបានប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។