ថ្ងៃនេះឧកញ៉ាញូស៍ សូមណែនាំប្រិយមិត្តមកស្គាល់មីខ្មែរយើងចំនួន ០៣ ផលិតក្នុងស្រុកកំពុងលក់ចែកចាយលើទីផ្សារ។
១/ មីម៉ាម៉ា
មីម៉ាម៉ាជាយីហោមីដ៏ល្បីល្បាញរបស់ប្រទេសថៃ។ មីម៉ាម៉ា បានបង្កើតរោងចក្រផលិតក្នុងស្រុកខ្មែរយើងជាយូរឆ្នាំមកហើយ ហើយបងប្អូនជាច្រើនច្រឡំថានាំចូលពីថៃ។ លក្ខណៈពិសេសរបស់មីថៃឬម៉ាម៉ានេះ ក្រៅពីអាចញាំទទេជាអាហារសម្រន់ ឬក៏អាចញាំឆុងជាមួយទឹកក្ដៅក៏បាន។
មីម៉ាម៉ា ដែលផលិតនៅក្នុងប្រទេសកម្ពុជា មានច្រើនរសជាតិដូចជា សាច់មាន់ សាច់ជ្រូកចិញ្ច្រាំ រសជាតិតុងយ៉ាំជាដើម។
២/មីជាតិ
មីជាតិ ទើបតែបើករោងចក្រនៅឆ្នាំ២០១៩ ដោយក្រុមហ៊ុន One More Manufacturing។ មីជាតិមានបីរសជាតិ គឺរសជាតិខគោ រសជាតិសាច់ជ្រូកចិញ្ច្រាំ និងរសជាតិស៊ុបមាន់។
ដើម្បីគាំទ្រផលិតផលមីក្នុងស្រុកនេះ ក្រុមហ៊ុនបានបង្កើតពាក្យស្លោក «មីជាតិ ស្នាដៃខ្មែរ រសជាតិខ្មែរ»។
៣/ មីយើង
មីយើង ចាប់ផ្តើមផលិតតាំងពីឆ្នាំ២០០៨ របស់ក្រុមហ៊ុនម៉ែន សារុន ហើយក៏ជាក្រុមហ៊ុនខ្មែរដំបូងគេ មានសមត្ថភាពផលិតមីដើម្បីបម្រើតម្រូវការក្នុងស្រុក។
ផលិតផលមីយើងក៏ទទួលបានគារគាំទ្រច្រើនដែរ និងទទួលបានការវាយតម្លៃ ជាផលិតផលកម្រិតស្តង់អន្តរជាតិ (ISO)។
មីយើងផលិតមាន មាន ៤ រសជាតិ គឺរសជាតិសាច់ជ្រូក សាច់មាន់ សាច់គោ និងសាច់ទា៕
