កម្ពុជា​-វៀតណាម រិះរកមធ្យោបាយ និងនីតិវិធី ដើម្បីជំរុញការដឹកជញ្ជូនឆ្លងកាត់ព្រំដែនរវាងប្រទេសទាំងពីរ

សង្គម​និង​សេដ្ឋកិច្ច
9 Shares

កម្ពុជា និងវៀតណាម បាននិងកំពុងសហការយ៉ាងស្អិតរមួតក្នុងការរិះរកមធ្យោបាយ និងនីតិវិធី ដើម្បីជំរុញការដឹកជញ្ជូនឆ្លងកាត់ព្រំដែនរវាងប្រទេសទាំងពីរឱ្យកាន់តែប្រសើរឡើង កាត់បន្ថយការកកស្ទះនៅតាមច្រកទ្វារអន្តរជាតិ និងបង្កើនបរិមាណរថយន្តដឹកទំនិញឆ្លងកាត់ព្រំដែនឱ្យកាន់តែកើនឡើង សំដៅជំរុញកំណើនសេដ្ឋកិច្ចនៃប្រជាជាតិទាំងពីរ។

May be an image of 1 person, standing and sitting

ឯកឧត្តម ឈៀង ពេជ្រ អគ្គនាយកនៃអគ្គនាយកដ្ឋានភស្តុភារកម្ម ថ្លែងក្នុងកិច្ចប្រជុំស្ដីពីការធ្វើឱ្យប្រសើរឡើងការដឹកជញ្ជូនឆ្លងកាត់ព្រំដែនកម្ពុជា និងវៀតណាម ជាពិសេសច្រកទ្វារព្រំដែនអន្តរជាតិបាវិត-ម៉ុកបៃ និងព្រៃវល្លិ៍-ប៊ិញហៀប កាលពីថ្ងៃទី១៩ ខែកុម្ភៈ ឆ្នាំ២០២១ នៅទីស្ដីការក្រសួងសាធារណការ និងដឹកជញ្ជូន។

ឯកឧត្ដមអគ្គនាយកបានបន្តថា តាមកិច្ចព្រមព្រៀងលើអនុស្សរណៈយោគយល់ ប្រទេសទាំងពីរបានកំណត់កូតាអនុញ្ញាតឱ្យរថយន្តដឹកទំនិញឆ្លងកាត់ព្រំដែនចំនួន៨០០គ្រឿង។

ជាមួយគ្នានោះផងដែរ កម្ពុជាបានស្នើខាងភាគីវៀតណាឱ្យកំណត់កាលបរិច្ឆេទនៃកិច្ចប្រជុំលើកទីមួយរបស់ក្រុមការងាររួមនៃប្រទេសទាំងពីរ និងកំណត់កាលបរិច្ឆេទសម្ពោធបើកឱ្យដំណើរការជាផ្លូវការច្រកទ្វារព្រំដែនអន្តរជាតិ ព្រៃវល្លិ៍-ប៊ិញហៀបផងដែរ។

May be an image of 1 person, screen and indoor



ជាការឆ្លើយតប ភាគីវៀតណាមបានត្រៀមខ្លួនរួចជាស្រេច ដើម្បីរៀបចំសម្ពោធបើកឱ្យដំណើរការជាផ្លូវការច្រកទ្វារព្រំដែនអន្តរជាតិ ព្រៃវល្លិ៍-ប៊ិញហៀបនេះ ប៉ុន្តែជាអកុសល បញ្ហាកូវីដ-១៩ បានធ្វើឱ្យភាគីវៀតណាមរាំងស្ទះក្នុងការរៀបចំពីធីនេះតាមការគ្រោងទុក។ ទោះជាយ៉ាងនេះក្ដី ភាគីទាំងពីរបានប្ដេជ្ញាជំរុញរៀបចំពិធីសម្ពោធនេះឱ្យបានកាន់តែឆាប់តាមដែលអាចធ្វើបាន៕

កម្ពុជា​-វៀតណាម រិះរកមធ្យោបាយ និងនីតិវិធី ដើម្បីជំរុញការដឹកជញ្ជូនឆ្លងកាត់ព្រំដែនរវាងប្រទេសទាំងពីរ
9 Shares