លោក ណុប បាយ៉ារិទ្ធ បានឆ្លងជំងឺកូវីដ-១៩ ក្រោយជាប់ពាក់ព័ន្ធជាមួយពិធីការិនី អ្នកនាង កែវ ច័ន្ទនិមល។ នេះបើតាមការបង្ហោះសារលើហ្វេសប៊ុុកផ្ទាល់ខ្លួនរបស់លោកមុននេះបន្តិច។
លោកថា ខ្ញុំបាទពិតជាបានយកសំណាកទៅធ្វើកោសល្យវិច័្ចយស្វែងរកមេរោគកូវីដ១៩មែនកាលពីយប់មុិញនេះ ដោយសារនៅថ្ងៃទី១ កម្មវិធីមួយដែលធ្វើការឡាយផ្ទាល់ មានអ្នកនាងនិមល គាត់ធ្វើជាពិធីករ តែខ្ញុំអត់បាននៅជិតកៀកកិតជាមួយគាត់ទេ ដោយសារខ្ញុំជាអ្នកកាន់កាម៉េរ៉ាថត។ ប៉ុន្តែបើទោះជាយ៉ាងណាខ្ញុំក៍មានអក្ការៈផ្តាសាយឈឺកខ្លះ និង ល្ហិតល្ហៃនៅរយៈពេល២ ៣ថ្ងៃដំបូង តែកំដៅមិនឡើងឡើសពី៣៦កន្លះទេ សូម្បីពេលនេះម៉ោងនេះ។
លោកបានបន្តថា ទោះជាលទ្ធផលបែបណា ខ្ញុំតាំងស្មារតីថា និងរឹងមាំ ប្រយុទ្ធប្រឆាំង តស៊ូជាមួយជំងឺមួយនេះអោយដល់ទីបំផុត សូមបងប្អូនបង្កើនការប្រុងប្រយ័ត្នខ្ពស់ កូវីដវាពិតជានៅកៀកកិតក្បែខ្លួនយើងគ្រប់ទិសទី ។
សូមបញ្ជាក់ថា មកដល់ពេលនេះ លោក ណុប បាយ៉ារិទ្ធ និងអ្នកនាង កែវ ច័ន្ទនិមល បានឆ្លងជំងឺកូវីដ-១៩ ដែលតារាប្រចាំផលិតកម្មហង្សមាស និងមានអ្នកពាក់ព័ន្ធមួយចំនួនទៀត អ្នកនាង ឱក សុគន្ធកញ្ញា អ្នកនាង សុគន្ធ និសា កំពុងតែតាមដានសុខភាពជាបន្ដ ក្រោយមានជាពាក់ពន្ធ័ជាមួយអ្នកដឹកនាំថតស្ពត ឈ្មោះទីតូ មានវិជ្ជមានកូវីដ១៩៕
