ក្រុមគ្រូពេទ្យសម្តេចតេជោ ប្រឆាំងកូវីដ១៩ បានបំពេញភារកិច្ចមនុស្សធម៌ប្រកបដោយមោទនភាពក្នុងចូលទប់ស្កាត់ការរីករាលដាលជំងឺកូវីដ-១៩។ ក្រុមគ្រូពេទ្យធីតា បានបន្តការងារយ៉ាងមមាញឹក និងយ៉ាងសកម្មបំផុតមិនថាថ្ងៃឬយប់ដើម្បីយកសំណាកអ្នកដែលសង្ស័យនៅក្នុងតំបន់ដែលមានការសង្ស័យថ្មីៗបន្ថែមទៀត ក្នុងទឹកដីរាជធានីភ្នំពេញ។
ក្នុងរយៈពេលមួយសប្តាហ៍ បងប្អូន អ្នកឧកញ៉ា ឡេង ណាវ៉ាត្រា បានឧបត្ថម្ភនូវថវិកាចំនួន ២០៥,០០០ដុល្លារ (មួយម្ភៃម៉ឺនប្រាំពាន់ដុល្លារ) ដល់ក្រុមគ្រួពេទ្យ TYDA ដែលដឹកនាំផ្ទាល់ដោយឧត្តមឧត្តមសេនីយ៍ឯក ហ៊ុន ម៉ាណែត ប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ និងលោកជំទាវវេជ្ជបណ្ឌិត ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ។
អ្នកឧកញ៉ា ឡេង ណាវ៉ាត្រា និងលោកជំទាវ ឧបត្ថម្ភ ២០ ម៉ឺនដុល្លារ
លោកឧកញ៉ា ឡេង ប្រុស និងលោកជំទាវ ឧបត្ថម្ភថវិកា ៣ ពាន់ដុល្លារ
លោកឧកញ៉ា ឡេង និមល និងលោកជំទាវ ឧបត្ថម្ភថវិកា ២ ពាន់ដុល្លារ
