តាមការផ្សាយលើគេហទំព័រកម្ពុជាថ្មីចេញផ្សាយនៅព្រឹកនេះ មានករណីសពបុរសម្នាក់ត្រូវបានរថយន្តពេទ្យមកដឹកទៅទាំងយប់យកទៅបូជា ដោយសង្ស័យបុរសដែលស្លាប់នេះកើតកូវីដ ១៩។
លោក វ៉ាន់ ចាន់ដារ៉ា មេភូមិឬស្សី១សង្កាត់ស្ទឹងមានជ័យទី៣បានប្រាប់ថា បុរសដែលស្លាប់នេះវ័យ ៧៨ ឆ្នាំ មានជំងឺឡើងសម្ពាធឈាមហើយត្រូវបានកូនចៅដឹកយកទៅធ្វើការព្យាបាលនៅមន្ទីរពេទ្យមិត្តភាព ខ្មែរសូវៀត។ លុះដល់ព្រឹកថ្ងៃទី២៧ខែមីនា កូនចៅបានសម្រេចដឹកយកមកផ្ទះវិញ ព្រោះមិនសង្ឃឹមថារស់រានមានជីវិត។ មកដល់ផ្ទះក៏បានមរណះកាលទៅនារសៀលថ្ងៃដដែល។
កាលពីយប់ថ្ងៃទី២៧ខែមីនានេះមានរថយន្តរបស់មន្ទីរពេទ្យរដ្ឋបានមកដឹកយកសពលោកតាឈ្មោះ ប៊ូ សារុំ អាយុ៧៨ឆ្នាំស្នាក់នៅផ្ទះលេខ៣៦៨ផ្លូវ៨១(បុរីសូនី)ភូមិឬស្សី១ សង្កាត់ស្ទឹងមានជ័យ៣ខណ្ឌមានជ័យរាជធានីភ្នំពេញ។យកទៅបូជាទាំងយប់ដោយសារតែលោកតាមានវិជ្ជមានកូវីដ១៩ ខណះដែលកូនចៅមិនដឹងទាល់តែសោះ។
