មកដឹងតម្លៃឧទ្ធម្ភាគម៉ូដែល Bell 429 ដែលក្រុមហ៊ុនយក្ស ជីបម៉ុង បញ្ជាទិញ

ជុំវិញ​ឧកញ៉ា

កាលពីខែមីនាកន្លងទៅ លេចលឺព័ត៌មានថា កូនប្រុសមហាសេដ្ឋីប្រាក់លាន ភាព ហៀក អ្នកឧកញ៉ា លាង ម៉េង ទើបតែបញ្ជាទិញឧទ្ធម្ភាគចក្រម៉ូដែល Bell 429 ពីក្រុមហ៊ុនផលិតឧទ្ធម្ភាគចក្រដ៏ល្បីល្បាញមួយនៅសហរដ្ឋអាមេរិក ឈ្មោះ Textron Inc.។ ឧទ្ធម្ភាគចក្រដ៏ទំនើប និងមានកេរ្តិ៍ឈ្មោះល្បីល្បាញមួយនេះគឺមានតម្លៃប្រហាក់ប្រហែល ៧លានដុល្លារសហរដ្ឋអាមេរិក។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ការបញ្ជាទិញឧទ្ធម្ភាគចក្រ Bell 429 ដ៏ទំនើបនេះត្រូវបានប្រធានក្រុមអគ្គនាយកក្រុមហ៊ុន ជីប ម៉ុងអ្នកឧកញ៉ា លាង ម៉េង បញ្ជាក់ថា៖ «ដើម្បីបម្រើតម្រូវការនៃពាណិជ្ជកម្មរបស់ក្រុមហ៊ុន ជីប ម៉ុង ដែលកំពុងរីកលូតលាស់ទៅមុខឥតឈប់ឈររៀងរាល់ថ្ងៃ។ ម្យ៉ាងទៀត នេះក៏បង្ហាញពីទំនុកចិត្តរបស់ក្រុមហ៊ុន ជីប ម៉ុង ទៅលើឧទ្ធម្ភាគចក្រម៉ាក Bell ដែលបច្ចុប្បន្នក្រុមហ៊ុនក៏កំពុងតែប្រើប្រាស់ឧទ្ធម្ភាគចក្រម៉ូដែល Bell 505s របស់ក្រុមហ៊ុន Bellron Textron Inc. ផងដែរ»។

The Bell 429 គឺជាយន្ដហោះប្រើថាមពលពន្លឺព្រះអាទិត្យផង និងម៉ាស៊ីនផង ដែលផលិតដោយក្រុមហ៊ុនឧទ្ធម្ភាគចក្រ Bell Helicopter – Textron Inc.។ Bell 429  ផលិតដំបូងបំផុតក្នុងឆ្នាំ ២០០៧ និងទទួលស្គាល់ជាផ្លូវការក្នុងឆ្នាំ២០០៩ ហើយក៏បន្តលក់ជូនអតិថិជនពាសពេញពិភពលោក។ 

ឧទ្ធម្ភាគចក្រដ៏ទំនើបមួយនេះ មានកេរ្តិ៍ឈ្មោះល្បីល្បាញ និងទទួលស្គាល់ ពីបណ្ដាអ្នកប្រើប្រាស់នៅតាមបណ្ដាប្រទេសនានានៅជុំវិញពិភពលោក។ The Bell 429 បំពាក់ដោយម៉ាស៊ីនប្រភេទ 2x Pratt & Whitney Canada PW207D1/D2 Turboshaft អាចហោះហើរលើអាកាស ក្នុងល្បឿនអតិបរមា 278 km/h និងអាចហោះបានចម្ងាយដល់ទៅ 715 Km និងរយៈកម្ពស់ខ្ពស់បំផុតដល់ 6 Km ក្នុងលំហអាកាស៕

សូមទស្សនាវីដេអូ៖