លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាលបានឆ្លើយតបសំនួរជុំវិញការអនុញ្ញាតិឲ្យមន្ទីរពេទ្យឯកជន អាចទទួលព្យាបាលអ្នកឆ្លងកូវីដ។ ដោយឡែកពាក់ព័ន្ធការចំណាយលើការព្យាបាល លោកជំទាវបានប្រាប់ក្រុមអ្នកសារព័ត៌មានលើបណ្តាញតេឡេក្រាមថា គឹអ្នកជំងឺត្រូវរ៉ាប់រ៉ងដោយខ្លួនឯង។
ជាមួយគ្នានេះ សេវាសុខាភិបាលឯកជន ត្រូវស្នើសុំច្បាប់ជាមុន និងត្រូវបំពេញលក្ខខណ្ឌមួយចំនួន ដូចជាត្រូវមានទីតាំងសមស្រប មានសម្ភារៈវេជ្ជសាស្ត្រគ្រប់គ្រាន់ មានបន្ទប់អាចដាក់អ្នកជំងឺដោយរក្សាសុវត្ថិភាព មានគ្រូពេទ្យ និងបុគ្គលិក គ្រប់គ្រាន់បានបណ្តុះបណ្តាលត្រឹមត្រូវ។
ក្រៅពីនេះ ត្រូវអនុវត្តតាមគោលការណ៍ណែនាំរបស់ក្រសួងសុខាភិបាលមានប្រព័ន្ធគ្រប់គ្រងសំណល់វេជ្ជសាស្ត្រ និងត្រូវផ្តល់របាយការណ៍ទៀងទាត់ និងទាន់ពេលវេលាមកក្រសួងសុខាភិបាល៕
