មហាសេដ្ឋី​ប្រាក់ពាន់លានម្នាក់ ប្រកាសផ្តល់ថវិកា១០លាន​ដុល្លារ​ ដើម្បីប្រយុទ្ធប្រឆាំងកូវីដ១៩ដល់​មន្ទីរ​ពេទ្យ​នៅ​ប្រទេស​ឥណ្ឌា

ជុំវិញ​ឧកញ៉ា

សេដ្ឋីប្រាក់​ពាន់​លាន​ដុល្លារជា​ជន​ជាតិ​ឥណ្ឌា-អាមេរិក លោក​ Vinod Khosla ​សន្យា​បរិច្ចាគនូវ​ថវិកា​ចំនួន ​១០​លាន​ដុល្លារ ​សម្រាប់​ទិញ​សម្ភារៈ​អ៊ុកស៊ីសែន​ដល់​មន្ទីរ​ពេទ្យ​នៅ​ប្រទេស​ឥណ្ឌា ខណៈ​ប្រព័ន្ធ​សុខាភិបាល​កំពុង​ដុន​ដាប​ខ្លាំង​ពីជំងឺ​កូវីដ-១៩។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ  

រូបភាព NFX signal

ការប្រកាសបរិច្ចាគនេះធ្វើឡើងដើម្បី​ជួយ​ដល់​រដ្ឋាភិបាល​ឥណ្ឌា​ដែល​កំពុង​ប្រយុទ្ធជាមួយកូវីដ ហើយ​ប្រជា​ជន​រាប់​ពាន់​នាក់​បានស្លាប់​ជា​រៀង​រាល់​ថ្ងៃ​ដោយ​វីរុស​រាត​ត្បាត​​ដ៏​កាច​សាហាវ​​កូវីដ-១៩។

នៅ​លើបណ្តាញ​ទំនាក់​ទំនង​សង្គម​ Twitter ​ លោក Vinod Khosla ស្ថាបនិក​ក្រុម​ហ៊ុន Sun Microsystem បានឲ្យដឹងថា មាន​សេចក្តី​ត្រូវ​ការ​​ដើម្បី​សង្គ្រោះ​អាយុ​ជីវិត ប្រសិន​បើកាន់​តែ​បណ្តោយ​ កាន់​តែ​បាត់​បង់​ជីវិត​មនុស្ស​ថែម​ទៀត។

រូបភាព អ៊ិនធើណេត

លោកបាន​ថ្លែង​ថា ៖«សម្រាប់​ការ​ផ្តល់​ជូន​​នេះ​មិន​គ្រប់​គ្រាន់​ទេ។ ពួក​គេ​បាន​ទទួល​​សំណើរ​សម្រាប់​​អ៊ុកស៊ីសែន ២០ ០០០, ម៉ាស៊ីន​ស៊ីឡាំង​ចំនួន ១៥០០០, គ្រែ​សង្គ្រោះ​បន្ទាន់​​៥០០, គ្រែ​សម្រាក​ព្យាបាល​កូវីដ-១៩​​​ ចំនួន ១០ ០០០​ ពី​​​​មន្ទីរ​ពេទ្យ និង​អង្គការ​មិន​រក​ប្រាក់​ចំណេញ​ទូទាំង​ប្រទេស​ឥណ្ឌា​​ជា​រៀង​រាល់​ថ្ងៃ។ យើង​ត្រូវ​ធ្វើ​ការ​ជា​បន្ទាន់​ច្រើន​ណាស់»។

លោក​បាន​បញ្ជាក់​ថា ៖«គ្រូសារ Khosla បន្ថែម​ទឹក​ប្រាក់​១០​លាន​ដុល្លារ​អាមេរិក​ដល់​​ប្រទេស​ឥណ្ឌា​​បន្ថែម​លើ​ការ​ប្តេជ្ញា​ចិត្ត​របស់​ខ្លួន​ដើម្បី​ជួយ​សម្រាល និង​សង្ឃឹម​ថា អ្នក​ផ្សេង​នឹង​ចូល​រួមចំពោះ​ការ​ត្រូវ​ការ​បន្ទាន់​នេះ​ដែរ»៕
ប្រភព៖ indianexpress