លោក ឃន ឈុនដារ៉ា ចេញលិខិតសូមអភ័យទោសចំពោះការចែកចាយរូបភាពមិនសមរម្យរបស់កញ្ញា មាន ពេជ្ររីតា ដែលកំពុងតែមានរឿងក្តីជាមួយឧកញ៉ា ហេង សៀ ត្រូវជាឪពុកក្មេករបស់ខ្លួន។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
លោកបានបញ្ជាក់ថា កាលពីថ្ងៃទី១៤ ខែឧសភា ឆ្នាំ២០២១ ខ្ញុំពិតជាបានចែករំលែករូបភាពមិនសមរម្យ អាសអាភាសមួយសន្លឹកទៅមនុស្ស ៧នាក់ តាមប្រព័ន្ធ WhatApp Telegrma។ ខ្ញុំសូមបញ្ជាក់ថា រូបភាពនេះ ខ្ញុំទទួលបានពីគេដែរតាមរយៈទូរសព្ទ ហើយខ្ញុំក៏ពុំបានដឹងពីប្រភពដើមនៃរូបភាពមិនសមរម្យនោះដែរ។
បើតាមលោក ឈុនដារ៉ា ពិតជាបានស្វែករក និងជ្រើសរើសមនុស្សចំនួន ២នាក់ ដែលម្នាក់ភិនភាគប្រហាក់ប្រហែល នឹងកញ្ញា មាន ពេជ្ររីតា និងម្នាកទៀតមានភិនភាគប្រហាក់ប្រហែលនឹងឪពុកក្មេកលោក ហេង សៀ ពិតប្រាកដមែន។
លោកថា ការស្វែករកមនុស្សទាំងពីរនាក់នេះ គឺគោលបំណងដើម្បីថតវីដេអូឃ្លីប ធ្វើត្រាបតាមអង្គហេតុដែលបានកើតឡើងនៅក្នុងរថយន្តនោះតែប៉ុណ្ណោះ ប៉ុន្តែការជ្រើសរើសមនុស្សទាំងពីរនាក់នោះ ពុំមែនដើម្បីផលិតវីដេអូអាសអាភាសនោះទេ៕