ខេត្តកំពង់ចាម ទុរេនដែលល្បីល្បាញ់មានរសជាតិឆ្ញាញ់ជាងគេនោះគឺ ទុរេនរបស់អ្នកភូមិបែកអន្លង់ ក្នុងឃុំអារក្សត្នោត ស្រុកស្ទឹងត្រង់ ដែលម្ចាស់ចំការនីមួយៗដាំដុះបែបធម្មជាតិ ហើយអ្វីដែលគួរឱ្យចាប់អារម្មណនៅតំបន់នេះមានប្រភេទទុរេនដែលឆ្ងាញ់ពេញនិយមជាងគេ គឺប្រភេទម៉ាន់ថង។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
ចំពោះទិន្នផលឆ្នាំនេះមានការថយចុះពី៣០ភាគរយ ទៅ៥០ភាគរយ បើធៀបនឹងឆ្នាំមុន ហើយឈ្មួញកណ្តាលខ្លះទៀតលក់ទុរេនមិនមែនចម្ការបែកអន្លូងទៀត ធ្វើឱ្យតម្លៃធ្លាក់ចុះ។ កសិករដាំទុរេននៅស្រុកស្ទឹងត្រង់ ខេត្តកំពង់ចាម បានលើកឡើង។
ម្ចាស់ចម្ការធុរេន តាធីម យាយខាន់ ទំហំជាង១០ហិចតា ដែលមានទុរេនជិត ១,៥០០ដើម ក្នុងភូមិគីឡូ១០ ឃុំអក្សរត្នោត ស្រុកស្ទឹងត្រង់ បានដឹងថា ក្នុងឆ្នាំនេះគឺចាប់ផ្តើមប្រមូលផលពីខែឧសភានេះ ប៉ុន្តែទិន្នផលដែលទទួលបានវិញគឺមានការធ្លាក់ចុះជាងរាល់ឆ្នាំ ដែលបណ្តាលមកពីការអាកាសធាតុ បើទោះបីកសិករខិតខំប្រឹងប្រែងថែទាំយ៉ាងណាក៏ដោយ។
បើតាមម្ចាស់ចម្ការបានបញ្ជាក់ថា ម្យ៉ាងទៀតឈ្នួញកណ្តាលមួយចំនួនបានយកទុរេនតំបន់ផ្សេងមកលក់ដោយយកឈ្មោះ ទុរេនបែកអន្លូង ដែលជាអត្តសញ្ញាណទុរេនឆ្ញាញ់ប្រចាំតំបន់ ជាក់ស្ដែងឆ្នាំនេះនៅចម្ការតំបន់បែកអន្លូងនេះមិនសូវសំបូរដូចគេលក់តាមដងផ្លូវឡើយ៕
ប្រភព៖ កម្ពុជាថ្មី
