លោក ឡាក់ ប៊ុនធីម នាយករង រដ្ឋបាលក្រុងច្បារមន ទទួលបន្ទុកប្រធានសណ្តាប់ធ្នាប់ផ្សារកំពង់ស្ពឺ ត្រូវបានអភិបាលក្រុងសម្រេចបញ្ចប់មុខតំណែងមកត្រឹមជាមន្ត្រីធម្មតា បន្ទាប់ប្រព្រឹត្តកំហុសទាត់កញ្ច្រែងព្រីងបណ្តាលឲ្យធ្លាក់កំពប់មកលើដីរបស់ក្មេងស្រីម្នាក់។ នេះបើយោងតាមដីកាចុះថ្ងៃទី២១ ខែឧសភា ឆ្នាំ២០២១នេះ របស់លោក ហុក ម៉ារ៉ាឌី អភិបាលក្រុងច្បារមន។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
រូបភាពបណ្តាញសង្គម
កាលពីថ្ងៃទី១៩ ខែឧសភានេះ លោក ឡាក់ ប៊ុនធីម នាយករង រដ្ឋបាលក្រុងច្បារមន ទទួលបន្ទុករៀបចំសណ្តាប់ធ្នាប់ផ្សារកំពង់ស្ពឺ បានប្រើហិង្សាលើក្មេងស្រីម្នាក់ដែលលក់ព្រីង និងខ្នុរត្រង់ចំណុចជិតគល់ស្ពានថ្មចាស់បណ្តាលឲ្យរងការខួចខាត ធ្វើឱ្យមានការរិះគន់យ៉ាងខ្លាំងតាមបណ្តាញទំនាក់ទំនងសង្គមនានារហូតថ្នាក់ដឹកនាំខេត្តកំពង់ស្ពឺ។
រូបភាពបណ្តាញសង្គម
ជាមួយគ្នានោះ លោក វ៉ី សំណាង អភិបាលខេត្តកំពង់ស្ពឺ ក៏បានសម្តែងនូវការរន្ធត់និងសោកស្ដាយយ៉ាងខ្លាំងចំពោះទង្វើអសីលធម៌បែបរបស់សន្តិសុខផ្សារកំពង់ស្ពឺម្នាក់ បានទាត់កញ្ច្រែងក្មេងស្រីលក់ព្រីង និងខ្នុរ បណ្ដាលឲ្យកំពប់ទៅលើដី។
លោកថា ខ្ញុំពិតជាមានការរន្ធត់និងសោកស្ដាយយ៉ាងខ្លាំងចំពោះទង្វើអសីលធម៌បែបនេះ។ ចំពោះទង្វើអសីលធម៌របស់សន្តិសុខផ្សារកំពង់ស្ពឺបែបនេះគឺមិនអាចលើកលែងបានឡើយ៕
