ឃើញក្រុមហ៊ុនគេជោគជ័យរីកចម្រើន បានទាក់ទាញចិត្ត លោក ភិរម្យ វិចិត្រដារ៉ា ឪ្យបោះបង់ប្រាក់ខែរាប់រយ រត់មកបើកក្រុមហ៊ុនជាមួយដើមទុន ១ម៉ឺនដុល្លារដែលខ្លួនបានសន្សំនៅជាបុគ្គលិកក្រុមហ៊ុនអចលនទ្រព្យកាលពី ២០ឆ្នាំមុន លុះដំណើរការបានមួយឆ្នាំក៏បិទទៅវិញ។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
លោកឧកញ៉ា ភិរម្យ វិចិត្រដារ៉ា បានមើលឃើញស្ថានភាពនៅពេលនោះព្រោះក្រុមហ៊ុនដែលខ្លួនធ្វើការជោគជ័យ ហើយខ្លួនចាកចេញមកទាំងសង្ឃឹមថា ខ្លួននឹងជោគជ័យដែរ ទាំងដែលគ្មានការស្រលាញ់ ហើយមិនមែនជាមុខរបរដែលកើតចេញពីចិត្ត ដើម្បីដោះស្រាយបញ្ហាមនុស្សទាល់តែសោះ គឺលុយនៅមុខពេក នេះហើយដែលខុសតាំងពីជំហានដំបូង គ្រាន់តែមិនដឹងខ្លួន។
លោកឧកញ៉ាដែលធ្លាប់មានប្រវត្តិ ជាអ្នករត់ម៉ូតូឌុប ហើយបច្ចុប្បន្នជាអ្នកជំនួញ និងជាសាស្ត្រាចារ្យបង្ហាត់បង្រៀនវគ្គបុគ្គលជោគជ័យ។
លោកទទួលសញ្ញាប័ត្របណ្ឌិតកិត្តិយសពីសាកលវិទ្យាល័យល្បីឈ្មោះមួយ នៅអាមេរិក «Universal Ministries of The King’s College» (UM.KC.) បន្ទាប់ពីលោកឧកញ៉ាបានចំណាយលើការសិក្សា ខិតខំសរសេរសារណាការពារ អស់ពេលជាច្រើនឆ្នាំមក។
សញ្ញាប័ត្របណ្ឌិតកិត្តិយស ដែលលោក ឧកញ៉ា ភិរម្យ វិចិត្រដារ៉ា ទទួលបានពីសាកលវិទ្យាល័យ Universal Ministries of The King’s College លើជំនាញ «អភិវឌ្ឍន៍សង្គម» ដោយលោកឧកញ៉ា បានទទួលកាលពីថ្ងៃទី២៥ ខែ វិច្ឆិកា ឆ្នាំ ២០១៩ ពិធីប្រគល់ធ្វើនៅពីទីក្រុងហុងកុង។
តើឧកញ៉ា ភិរម្យ វិចិត្រដារ៉ា គ្រប់គ្រងអាណាចក្រជំនួញប៉ុន្មានក្នុងដៃ?
អគ្គនាយកក្លិបពាណិជ្ជករកម្ពុជា, ក្រុមហ៊ុន Vichet Dara Enterprise, ជាម្ចាស់ក្រុមហ៊ុន WorldWide Dental Supply, ក្រុមហ៊ុន One World Trading, ហាងបញ្ចាំ សុវណ្ណវិចិត្រ ហ្វាយណែន, ជាប្រធានក្រុមហ៊ុន ECC Realty និងជាម្ចាស់គម្រោងអចលនទ្រព្យមួយចំនួន ខេត្តសៀមរាប ខេត្តកំពង់ស្ពឺ ខេត្តកំពត។
ថ្មីៗនេះលោកឧកញ៉ា ភិរម្យ វិចិត្រដារ៉ា ក៏បានចាប់ដៃគូសហការជាមួយលោកឧកញ៉ា ហ៊ួត ជា វិនិយោគលើគម្រោងលំនៅដ្ឋាន ហ៊ួតជា វិចិត្រដារ៉ា មានទីតាំងនៅសង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ។
លោកឧកញ៉ា ភិរម្យ វិចិត្រដារ៉ា បានឲ្យតំបូន្មានថា៖ “វិថីទៅរកភាពជោគជ័យ មិនមែនក្រាលដោយមាសនោះទេ។ បន្លា និងឧបសគ្គទើបជាផ្លូវទៅកាន់ភាពជោគជ័យពិតប្រាដក។ លោកថា ផ្លូវមិនស្រួលបើធ្វើវាបាន អ្នកក៏ជាមនុស្សអស្ចារ្យដែរ៕“
