អ្នកឧកញ៉ា ឡេង ណាវ៉ាត្រា ឡើងទៅត្រួតពិនិត្យទាំងយប់ដោះស្រាយអោយកម្មករសិន បន្ទាប់ពីឃាត់ខ្លួនក្រុមហ៊ុនម៉ៅការ (KMB)បើកលុយហើយ មិនយកទៅបើកឲ្យកម្មករ

ជុំវិញ​ឧកញ៉ា

នៅថ្ងៃទី១៤ ខែមិថុនា នេះ អ្នកឧកញ៉ា ឡេង ណាវ៉ាត្រា បានអញ្ជើញទៅកាន់តំបន់ទីតាំងគម្រោងអភិវឌ្ឍទីក្រុងរណប ប៉ោយប៉ែត Poipet Satellite City ជាប់នឹងព្រំដែនថៃទាំងយប់ដើម្បីបើកប្រាក់ជូនបងប្អូនកម្មករ បន្ទាប់ពីពួកគាត់នាំគ្នាតវ៉ាឲ្យក្រុមហ៊ុនម៉ៅការសំណង់ ទទួលខុសត្រូវបើកលុយឲ្យ ខណៈអ្នកម៉ៅការត្រូវបានអាជ្ញារធឃាត់ខ្លួន។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

អគ្គនាយកក្រុមហ៊ុន ឡេង ណាវ៉ាត្រា គ្រុប អ្នកឧកញ៉ា ឡេង ណាវ៉ាត្រា មានប្រសាសន៍លើទំព័រហ្វេសបុកមុននេះបន្តិថា៖ “ខ្ញុំធ្វើដំណើរទាំងយប់មក ព្រំដែនថៃក្នុងគំរោងទីក្រុងរណប poipet Satellite city ហើយបង្ខំចិត្តឃាត់ខ្លួនម្ចាស់ក្រុមហ៊ុនម៉ៅការ(KMB) ធ្វើតាមផ្លូវច្បាប់ ដែលក្រុមហ៊ុនម៉ៅការនេះមិនបើកប្រាក់អោយកម្មករ”

បើតាមអ្នកឧកញ៉ា ក្រុមហ៊ុនបានទូទាត់ទៅក្រុមហ៊ុនម៉ៅការតាមកិច្ចសន្យាអស់ទៅហើយ តែក្រុមហ៊ុនម៉ៅការ (KMB) បែរជាមិនបើកឲ្យកម្មករទៅវិញ ដែលធ្វើឲ្យកម្មករយល់ច្រលំមកលើក្រុមហ៊ុន ។

អ្នកឧកញ៉ាបានបញ្ជាក់ថា តែទោះជាយ៉ាងខ្ញុំ បានអោយក្រុមកាងារចេញលុយផ្ទាល់ខ្លួនបើកបញ្ចប់អោយកម្មករសិន ចំពោះក្រុមហ៊ុនម៉ៅការ(KMB) យើងបន្តនិតិវិធីដោះស្រាយតាមក្រោយ។

គួររម្លឹកជូនផងដែរថា ថ្មីៗនេះផ្ទុះកាតវ៉ា​​ពី​បងប្អូន​កម្មករបំរើការងារឲ្យ “គម្រោងទីក្រុងរណប Poipet Satellite City​”​ របស់​មហាសេដ្ឋីវ័យក្មេង ឡេង ណាវ៉ាត្រា ថា​មិន​បាន​បើក​លុយ​ឲ្យ​កម្មករ​។ ភ្លាមៗអ្នកគ្រប់គ្រងនៅគម្រោងទីក្រុងរណបរបស់អ្នកឧកញ៉ា បានស្វែរកតាមឃាត់ខ្លួនម្ចាស់ក្រុមហ៊ុន KMB ដែលម៉ៅការសាងសង់ដើម្បីមកទទួលខុសត្រូវនឹងបើកលុយជូនកម្មករជាកំហិត។

គម្រោងសាងសង់ទីក្រុងរណប របស់អ្នកឧកញ៉ា មានផ្ទៃដីទំហំរហូតជិត ៤000 (បួនពាន់) ហិចតា នោះ បានម៉ៅការទៅអោយក្រុមហ៊ុន (KMB) សាងសង់អាគាពាណិជ្ជកម្ម គ្រោង ៣០អាគារ មានដូចជា៖ កាស៊ីណូ ហូតែល រីស៊ត ខុនដូ នឹងអាគាពាណិជ្ជកម្មជាច្រើនទៀត