រោងចក្រ ខ្មែរ ប៊ែវើរីជីស បានពង្រីកវិសាលភាពនៃការផលិតដោយវិនិយោគ ១០លានដុល្លារបន្ថែមទៀត

អាជីវកម្ម

ខ្មែរ ប៊ែវើរីជីស (Khmer Beverages) គឺជាក្រុមហ៊ុនផលិតស្រាបៀរ និងភេសជ្ជៈ ឈានមុនគេនៅកម្ពុជា ដែលគ្រប់គ្រងដោយវិនិយោគិនខ្មែរ 100%។ រោងចក្រប្រើប្រាស់តែគ្រឿងផ្សំពីអឺរ៉ុប និងបំពាក់ទៅដោយបច្ចេកវិទ្យាទំនើបបំផុតមកពីប្រទេសអាល្លឺម៉ង់។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ជាមួយនឹងកំណើនខ្សែសង្វាក់ផលិតកម្មដ៏ច្រើននេះហើយ ខ្មែរ ប៊ែវើរីជីស បានពង្រីកវិសាលភាពនៃការផលិតដោយវិនិយោគ១០លានដុល្លារបន្ថែមទៀតលើ ម៉ាស៊ីន និងបច្ចេកវិទ្យា ដើម្បីបំពេញតម្រូវការអតិថិជន។ នេះបើតាមទស្សនាវដ្តី ជីប ម៉ុង ចេញផ្សាយកាលពីខែមិថុនា។

ខ្មែរ ប៊ែវើរីជីស បញ្ជាក់ថា ម៉ាស៊ីន និងបច្ចេកវិទ្យាថ្មីនេះត្រូវបានផ្គត់ផ្គង់ដោយក្រុមហ៊ុនអាល្លឺម៉ង់ Krones ដែលមានសមត្ថភាពផលិតភេសជ្ជៈប៉ូវកម្លាំង វើក និងទឹកក្រូច អាយស៍ បានបរិមាណខ្ពស់និងរហ័សជាងមុន។

គួររម្លឹកជូនថា រោងចក្រ ខ្មែរ ប៊ែវើរីជីស បានពង្រីកសង្វាក់ផលិតកម្មរបស់ខ្លួនលើកទី៣ក្នុងឆ្នាំ២០១៧ ដែលបង្កើនសមត្ថភាពផលិតកម្មស្រាបៀររបស់ខ្លួន និង អភិវឌ្ឍផលិតផលថ្មីៗ រួមមានស្រាបៀរ Barrley Black Extra Stout, ស្រាបៀរ Kudo, ភេសជ្ជៈប៉ូវកម្លាំង Wurkz, Ize Cola, Ize Lemon, Ize Fruit Punch និងទឹកបរិសុទ្ធកម្ពុជា។

បច្ចុប្បន្ន ក្រុមហ៊ុនខ្មែរ ប៊ែវើរីជីស មានបុគ្គលិកជិត១០០០នាក់ កំពុងបម្រើការពេញម៉ោង ក្នុងការផលិតស្រាបៀរ និងភេសជ្ជៈ ដែលមានគុណភាពល្អសម្រាប់ប្រទេសកម្ពុជា និងបណ្ដាប្រទេសក្នុងតំបន់៕