Vibes ជាក្រុមហ៊ុនផលិតជ័រសម្រាប់ដាក់កាស ដែលលក្ខណៈសម្បត្តិរបស់វាគឺផលិតចេញពីជ័រត្រចៀកចាស់ៗឡើងវិញ ហើយជំនួសឲ្យការបិទសម្លេងមិនឲ្យលឺពីមជ្ឈដ្ឋានខាងក្រៅ វាអាចឲ្យអ្នកស្ដាប់លឺពីបរិយាកាសជុំវិញខ្លួនល្អជាងមុន និងអាចសន្ទនាបានយ៉ាងច្បាស់។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
ក្រុមហ៊ុនមួយនេះ បង្កើតឡើងនៅចុងឆ្នាំ ២០១៥ ដែលគិតមកទល់ពេលនេះគឺមានរយៈពេលជាង ៥ ឆ្នាំមកហើយ ដោយស្ថាបនិកក្រុមហ៊ុនគឺមានឈ្មោះ Jack Mann ដែលមានវ័យត្រឹម ២៩ ឆ្នាំប៉ុណ្ណោះ។ បច្ចុប្បន្នស្ថាបនិក Vibes និងមិត្តស្រីកំពុងធ្វើដំណើរកម្សាន្តនៅសហរដ្ឋអាមេរិកបណ្ដើរ និងរកចំណូលបណ្ដើរដោយគ្រប់គ្រងការងាររបស់ពួកគេតាមរយៈប្រព័ន្ធអ៊ីនធឺណិត។
គូស្នេហ៍មួយគូនេះបានចាប់ផ្ដើមដំណើរកម្សាន្តរបស់ពួកគេកាលពីចុងឆ្នាំមុន ដោយប្រើប្រាស់រថយន្តម៉ូដែល Mercedes Sprinter ផលិតនៅឆ្នាំ ២០០៦ ដោយធ្វើដំណើរបានចម្ងាយប្រមាណជាង ២៤ ០០០ គីឡូម៉ែត្រ និង១១រដ្ឋរួចមកហើយទូទាំងសហរដ្ឋអាមេរិក។
ស្ថាបនិកក្រុមហ៊ុន Vibes ជឿថាសកម្មភាពដែលលោកធ្វើជារៀងរាល់ថ្ងៃ គឺអាចធ្វើឲ្យការគិតរបស់លោកកាន់តែមានភាពសកម្ម ហើយលោកជឿថា ការងារគឺសំដៅលើសកម្មភាព មិនមែនមកពីទីកន្លែងឡើយ ដូច្នេះការធ្វើដំណើរត្រាច់ចរបែបនេះ គឺមិនប៉ះពាល់ដល់ការងាររបស់លោកឡើយ។
“ការងារគឺជាសកម្មភាព មិនមែនទីកន្លែង ហើយបច្ចេកវិទ្យាទំនើបអនុញ្ញាតឲ្យសកម្មភាពការងារធម្មតាអាចធ្វើទៅបានដោយមិនរើសទីតាំង ដែលខុសពីពេលកន្លងដែលឲ្យតែនិយាយដល់រឿងធ្វើការគ្រប់គ្នាតែងមានទីតាំងជាក់លាក់”។ នេះបើតាមសម្ដីរបស់លោក Mann ប្រាប់ទៅ CNBC Make It។
“យ៉ាងណាមិញ វាគឺជារឿងសំខាន់ដែលអ្នកត្រូវរក្សាគម្រោងការងារប្រចាំថ្ងៃរបស់អ្នកឲ្យទៀងពេល ប្រសិនបើអ្នកជាម្ចាស់អាជីវកម្មពេញម៉ោង”។ ខាងក្រោមគឺជាកាលវិភាគប្រចាំថ្ងៃរបស់ Mann ៖
-ម៉ោង 5:45 AM ងើប និងធ្វើលំហាត់ប្រាណ ដូចជារត់ និងដើរជុំវិញតំបន់ដែលពួកគេធ្វើដំណើរកម្សាន្តនោះ
-ម៉ោង 7:00 AM ចាប់ផ្ដើមធ្វើការងារ ជាទូទៅគឺធ្វើក្នុងឡាន ឬម្ដងម្កាលធ្វើនៅហាងកាហ្វេ និងកន្លែងធ្វើការជិតៗ
-ម៉ោង 3:00 PM បញ្ចប់ការងារ និងដើរលេងនៅក្នុងតំបន់ ធ្វើការងារទូទៅ និងរៀបផែនការសម្រាប់ថ្ងៃបន្ទាប់
-ម៉ោង 7:00 PM ធ្វើដំណើរកម្សាន្តទៅកាន់គោលដៅបន្ទាប់
-ម៉ោង 9:00 PM ចូលសម្រាក ហើយបើសិនជានៅតំបន់ដាច់ស្រយាល ពួកគេនឹងចូលគេងនៅក្បាលព្រលប់។
នៅមិនទាន់អស់ទេ ការធ្វើដំណើរកម្សាន្តបណ្ដើរ ធ្វើការងារបណ្ដើរបែបនេះ អាចជួយឲ្យ Mann សន្សំលុយបានមួយកម្រិតថែមទៀត ពោលចាប់តាំងពីចាយលុយ ៥០ ០០០ ដុល្លារទិញឡានមក បុរសវ័យ ២៩ ឆ្នាំសន្សំបាន ៣០% ពីការជួលអាផាតមិននៅទីក្រុង Minneapolis និងជំនួសមកវិញលោកអាចសម្រាកដោយចតឡាននៅកន្លែងមិនគិតលុយ ឬនៅផ្ទះមិត្តភក្ដិជាដើម។
សម្រាប់រយៈពេល៩ខែនៃដំណើរកម្សាន្តមួយនេះMann ចំណាយលុយត្រឹម ៨ កន្លែងប៉ុណ្ណោះសម្រាប់កន្លែងស្នាក់អាស្រ័យរបស់ពួកគេ៕
ប្រែសម្រួល៖ប៉ាន់ហ្វួយ
ប្រភព: cnbc
