ថែមលុយបន្តិចទិញឡាន Prius មួយបាន សំបុត្រចូលមើលការប្រកួតដំបូងរបស់ Ronaldo សម្រាប់ក្រុម Man Utd ចុងសប្តាហ៍នេះ

អន្តរជាតិ

ឥទ្ធិពលរបស់ខ្សែប្រយុទ្ធ Cristiano Ronaldo ហាក់ធ្វើឲ្យផ្អើលគក្រើកអ្នកគាំទ្របាល់ទាត់ជាច្រើន កំពុងតែជ្រួលច្របល់ខ្លាំង ក្នុងការស្វែងរកឱកាសទិញសំបុត្រចូលមើលការបង្ហាញខ្លួនជាលើកដំបូងរបស់ខ្សែប្រយុទ្ធសញ្ជាតិព័រទុយហ្គាល់ ឲ្យក្រុមបិសាចក្រហម Manchester United នៅចុងសប្តាហ៍នេះ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

Ronaldo ត្រូវគេរំពឹងថានឹងបង្ហាញខ្លួនជាលើកដំបូងនៅឯទឹកដី Old Tafford សាជាថ្មីម្តងទៀត សម្រាប់ការប្រកួតក្របខ័ណ្ឌ Premier League នៅថ្ងៃសៅរ៍ទី ១១ ខែកញ្ញាខាងមុខនេះ នៅពេលក្រុម Man United ត្រូវបើកទ្វារកីឡដ្ឋានទទួលស្វាគមន៍ក្រុមភ្ញៀវ Newcastle របស់គ្រូបង្វឹកលោក Steve Bruce ។

Cristiano Ronaldo debut: Watch free match highlights of Man Utd vs  Newcastle with Sky Sports | Football News | Sky Sports

យ៉ាងណា ជុំវិញការវិលត្រលប់ដ៏គួរឲ្យភ្ញាក់ផ្អើលរបស់ខ្សែប្រយុទ្ធវ័យ ៣៦ ឆ្នាំរូបនេះ បានធ្វើឲ្យតម្រូវការសំបុត្រចូលរួមទស្សនាការប្រកួត មានការកើនឡើងខ្ពស់ហួសការស្មាន ស្របពេលគេហទំព័រផ្លូវការរបស់ក្លិបបិសាចក្រហម បានដំឡើងតម្លៃរហូតដល់ទៅ ៧០០ ផោន (៩៧០ ដុល្លារ) ក្នុងមួយសំបុត្រ។

មិនតែប៉ុណ្ណោះ យោងតាមរបាយការណ៍មួយរបស់កាសែត The Times បានបង្ហាញទៀតថាតម្លៃសំបុត្រ ដែលត្រូវដាក់លក់ដោយគេហទំព័រធំមួយរបស់អាមេរិកគឺ Stuhub បានដាក់លក់សំបុត្រចូលទស្សនានៅកីឡដ្ឋាន Old Trafford សម្រាប់ប្រកួតដំបូងរបស់ Ronaldo នេះ ក្នុងតម្លៃរហូតដល់ទៅ ២ ៥១៤ ដុល្លារ ឬចូលជិត ៣ ៥០០ ដុល្លារឯណោះ សម្រាប់កៅអីនៅតំបន់ជិតទីលានប្រកួត ដែលអាចមើលឃើញកីឡាករច្បាស់ ។

ស្រពពេលជាមួយគ្នានោះ វេបសាយលក់សំបុត្រមួយផ្សេងទៀតគឺ Live Football Tickets ក៏បានផ្សព្វផ្សាយថាខ្លួនមានសល់សំបុត្រសម្រាប់ចូលមើលការប្រកួត ចំនួន ១៩៨ ទៀតផងដែរ ដោយដាក់លក់នៅក្នុងតម្លៃចន្លោះពី ២៦៥ ផោន ដល់ ៦៩៩ ផោន ។

តែទោះជាយ៉ាងណាក្លិប United បានធ្វើការទទូចដល់អ្នកគាំទ្រ កុំទិញយកសំបុត្រពីគេហទំព័រលក់សំបុត្រទាំងនោះ ដើម្បីចៀសវាងការលុបចោលការកក់ ឬប្រឈមមុខនឹងផលវិបាកក្នុងការទទួលយកសំបុត្រផងដែរ ៕

ប្រភព: Daily Mail

ប្រែសម្រួល៖ ឧកញ៉ាសាមញ្ញ