អ្នកឧកញ៉ា ឡេង ណាវ៉ាត្រា អញ្ជើញចុះផ្ទាល់ប្រគល់ទឹកប្រាក់ ១០០លានរៀល និងសម្ភារៈចាំបាច់ជាច្រើនមុខជូនដល់រដ្ឋបាលខេត្តកំពត

ជុំវិញ​ឧកញ៉ា

អ្នកឧកញ៉ា ឡេង ណាវ៉ាត្រា អគ្គនាយកផលិតកម្ម Galaxy Navatra នៅព្រឹកថ្ងៃសុក្រ ខែកញ្ញា នេះបានអំណោយសប្បុរសធម៌ដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទៅប្រគល់ដល់លោក ជាវ តាយ អភិបាលខេត្តកំពត ដើម្បីចូលរួមក្នុងការងារមនុស្សធម៌ និងយុទ្ធនាការប្រយុទ្ធប្រឆាំងជំងឺកូវីដ-១៩។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

អំណោយសប្បុរសធម៌របស់អ្នកឧកញ៉ាចិត្តធម៌ ឡេង ណាវ៉ាត្រា នាំមកប្រគល់ជូនដល់រដ្ឋបាលខេត្តនៅពេលនេះ រួមមាន៖ ថវិកាចំនួន ១០០លានរៀល អង្ករ ចំនួន ២០តោន ម៉ាស់ ចំនួន ១០០,០០០ ម៉ាស់ និងអាល់កុលចំនួន ១,០០០លីត្រ ផងដែរ។

ក្នុងឱកាសនោះ លោក ជាវ តាយ ក៏បានថ្លែងអំណរគុណ ដល់អ្នកឧកញ៉ា ឡេង ណាវ៉ាត្រា ដែលបាននាំយកនូវអំណោយសប្បុរសធម៌ដ៏ថ្លៃថ្លារបស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត នាពេលនេះ។

លោកបានបញ្ជាក់ថា សម្តេចទាំងទ្វេតែងតែគិតគូរពីសុខទុក្ខរបស់ប្រជាពលរដ្ឋដែលកំពុងជួបប្រទះនឹងជំងឺកូវីដ-១៩ និងបានជំរុញដល់អាជ្ញាធរគ្រប់លំដាប់ថ្នាក់ ក្នុងការជួយដល់ជនរងគ្រោះ ងាយរងគ្រោះ និងរងផលប៉ះពាល់ពីជំងឺដ៏កាចសាហាវមួយនេះ។ អំណោយដ៏ថ្លៃថ្លារបស់សម្តេចទាំងទ្វេលោកនឹងផ្តល់ជូនដល់រដ្ឋបាលក្រុង ស្រុក ឃុំសង្កាត់ ដើម្បីចែកជូនដល់ប្រជាពលរដ្ឋនៅមូលដ្ឋានផ្ទាល់៕