ជាង ២០ ឆ្នាំ​ប្រវត្តិសាស្រ្ត​ តម្រូវការ​មាស​និង​គ្រឿង​អលង្ការ​នៅ​វៀតណាម​ធ្លាក់​ចុះ​ ជាង​ពាក់​កណ្ដាល​

អន្តរជាតិ

​បិទ​ត្រីមាស​ទី ៣ នៃ​ឆ្នាំ ២០២១ នេះ តម្រូវការ​មាស​នៅ​ប្រទេស​វៀតណាម មានការ​ធ្លាក់ចុះ​​យ៉ាង​ខ្លាំង​បើ​ធៀប​ឆ្នាម​២០២០ ពោល​គឺ​ដល់​ទៅ​ជាង ៣,៣ តោន​ ស្របពេល​ហាង​លក់​គ្រឿង​អលង្ការ​ទូទាំង​ប្រទេស​បាន​បិទទ្វារ​ដោយសារ​ច្បាប់​រឹត​បន្តឹង​កូវីដ ១៩។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ស្ថិតិ​ខាងលើ​គឺ​រាប់​បញ្ចូល​ទាំង​មាស​គីឡូ​ និង​កាក់​មាស​ ២,៤ តោន ​រួមជាមួយ​គ្រឿង​អលង្ការ​នានា ៩០០ គីឡូ​ថែម​ទៀត ដែល​វា​គឺជា​ចំនួន​ផ្គត់​ផ្គង់​ទាប​បំផុត​មិនធ្លាប់​មាន​តាំងពី​ឆ្នាំ ២០០០ មក។ នេះ​បើ​តាម​របាយការណ៍​ចុះ​ផ្សាយ​ដោយ​ក្រុម​ប្រឹក្សា​មាស​ពិភពលោក World Gold Council។

ប្រភព​ខាងលើ​បន្ថែម​ថា ហាង​លក់​គ្រឿង​អលង្ការ​នៅ​ទីប្រជុំជន​ដូចជា​ទីក្រុង​ហូជីមិញ និង​នៅ​តំបន់​ពាណិជ្ជកម្ម Mekong Delta គឺ​សុទ្ធតែ​តម្រូវ​ឲ្យ​បិទទ្វារ​ស្ទើរតែ​ពេញ​មួយ​ត្រីមាស​ទៅ​ហើយ ​ទើប​ធ្វើ​ឲ្យ​តម្រូវការ​ផ្គត់ផ្គង់​មាន​ការ​ធ្លាក់ចុះ​បែបនេះ។

បើ​ទោះ​ជាការ​លក់​គ្រឿង​អលង្ការ​តាម​ប្រព័ន្ធ​អ៊ីនធឺណិត​កំពុង​ទទួល​បាន​ការ​ពេញ​និយម​ក្ដី តែការ​ទៅ​ទិញ​ផ្ទាល់​នៅ​ហាង​នៅ​តែ​ជា​ជម្រើស​មិន​អាច​ខ្វះបាន ខណៈ​ជាទូទៅ​ហាងធំៗ​សុទ្ធតែ​មាន​សាខា​ជាច្រើនកន្លែង​ពេញ​ផ្ទៃ​ប្រទេស។

WGC បាន​អះអាង​​ថា វិបត្តិ​មួយនេះ​គឺ​អាច​ជា​ចំណុច​ដំបូង​ដែល​ធ្វើ​ឲ្យ​វៀតណាម​ជួប​វិបត្តិ​សេដ្ឋកិច្ច​លើក​តំបូង​ក្នុង​រយៈពេល ៣ ទសវត្ស​ចុងក្រោយ ខណៈ​ការ​កើនឡើង​នៃ​អតិផរណា និង​ភាព​អត់ការងារ​ធ្វើ នឹង​អាច​នៅ​តែបន្ត​កើតមាន​ឡើង​ បើសិន​គ្មាន​ដំណោះស្រាយ​សមស្រប​មួយ។

បញ្ជាក់​ដែរថា ក្នុង​ត្រីមាស​ទី ៣ នេះ តម្រូវការ​មាស​ទូទាំង​ពិភពលោក​គឺ​មាន​ការ​ធ្លាក់ចុះ ៧% បើធៀប​ឆ្នាំ​ទៅ ពោល​គឺ​ត្រឹម ៨៣១ តោន ខណៈ​គេ​រំពឹងថា​ ៣ ខែ​ចុងក្រោយ​នៃឆ្នាំ​នេះ តម្រូវការ​មាស​នឹង​មាន​ការ​កើនឡើង​ខ្ពស់​វិញ៕
ប្រភព: vnexpress