ត្រីមាសទី ៣ ចំណូល​ Huawei ថយចុះ​​ ៣៨% ក្រោយ​​មិន​អាច​នាំ​ចេញ​ទៅអាមេរិក

អន្តរជាតិ

យោង​តាម​របាយការណ៍​ផ្នែក​ចំណូល​ប្រចាំ​ត្រីមាស​ទី ៣ របស់​ក្រុមហ៊ុន​យក្ស Huawei Technology CO Ltd មាន​ការ​ធ្លាក់ចុះ​ដល់​ទៅ ៣៨% បើ​ធៀប​នឹង​រយៈពេល​ដូចគ្នា​កាលពី​ឆ្នាំ​ទៅ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ក្រុមហ៊ុន​យក្ស​ចិន​ បាន​បង្ហាញ​ទិន្នន័យ​នៃ​ប្រាក់​ចំណូល​ប្រចាំ​ត្រីមាស​ទី ៣ គឺ ១៣៥,៤​ ពាន់​លាន​យ័ន ឬ​ប្រមាណ ២១,១៨ ពាន់​លាន​ដុល្លារ​អាមេរិក ខណៈ​កាលពី​ពេលកន្លង​ទៅ​ក្រុមហ៊ុន​ទូរគមនាគមន៍​យក្ស​មួយនេះ បាន​បង្ហាញ​ប្រាក់​ចំណូល​ពី​ត្រីមាស​ទី ១ គឺ ៤៥៥,៨ ពាន់​លាន​យ័ន ឬ​ប្រមាណ ៧១,៣២ ពាន់​លាន​ដុល្លារ​អាមេរិក​។

គិតមើល​ទៅ​ចំណូល​នៃ​ត្រីមាស​ទី ៣ គឺ​តិចជាង​ត្រីមាស​ទី ១ ដល់​ទៅ​ជាង ១/៣ តែបើ​ធៀប​នឹង​ឆ្នាំ​ទៅ​វិញ គឺ​នៅ​តែ​ខាតបង់​ដដែល​ពោល គឺ​ធៀបនឹង​ពេលវេលា​ដូចគ្នា​កាលពី​ឆ្នាំទៅ​គឺ​ខុសគ្នា ១/៣ ជាមួយ​នឹង​អត្រា​ប្រាក់​ចំណេញ ១០,២%។ឮ

មូលហេតុ​ដែល​ធ្វើ​ឲ្យ​ចំណូល​ក្រុមហ៊ុន​ផលិត​ទូរស័ព្ទ​ឆ្លាតវៃ​នេះ​ធ្លាក់ចុះ​ខ្លាំង គឺ​ដោយសារ​តម្រូវការ​អ្នក​ប្រើប្រាស់​មាន​ការ​ធ្លាក់ចុះ​ ស្របពេល​មិនអាច​នាំចេញ​ផលិតផល​របស់​ពួកគេ​ទៅ​កាន់​ទីផ្សារ​សហរដ្ឋអាមេរិក​។

លើសពីនេះ បើទោះជា​ Huawei កាន់កាប់​ចំណែក​ទីផ្សារ​ Smartphone ក្នុង​ស្រុក​ច្រើន​ក្ដី​តែ​ចំណូល​ដែល​បាន​មកពី​ការ​លក់​ Smartphone គឺ​នៅ​តែ​បន្ត​ធ្លាក់ចុះ​ពី ៣០ ទៅ​ ៤០ ពាន់​លាន​ដុល្លារ​អាមេរិក​នៅ​ឆ្នាំ​នេះ ខណៈ​គិតត្រឹម​ត្រីមាស​ទី ៣ ពួកគេ​ក្ដោបក្ដាប់​ទីផ្សារ Smartphone ក្នុងស្រុក​បាន​ត្រឹម ៨% តិចជាង​ឆ្នាំទៅ​ដល់​ទៅ ២២%។

យ៉ាងណា ថ្មីៗនេះ Huawei បាន​ប្រកាស​ដែរ​ថា កំពុង​សិក្សា​ពី​គម្រោង​ថ្មី​សម្រាប់​ការ​វិនិយោគ​ទៅ​កាន់​វិស័យ​ផ្សេងៗ​ដូចជា​ វិស័យ​ហេដ្ឋារចនាសម្ព័ន្ធ​ កំពង់ផែ​ឆ្លាតវៃ ការ​ជីក​រ៉ែ និង​សូម្បី​តែ​វិស័យ​ផលិត​យានយន្ត​អគ្គិសនី​ជាដើម៕

ប្រភព: channelnewsasia