ឯកអគ្គរាជទូតវិសាមញ្ញ និងពេញសមត្ថភាពដែលជាស្ត្រីខ្មែរតំណាងកម្ពុជា ដែលកំពុងបំពេញបេសកម្ម នៅបរទេសមានជាច្រើនរូប។
ឧកញ៉ាញូសន៍ណែនាំឲ្យស្គាល់មុខមាត់ឥស្សរជនស្រ្តីខ្មែរ ដែលតំណាងជាអគ្គរាជទូតកម្ពុជានៅបរទេសក្នុងនោះរួមមាន៖
១.ស្ថានទូត នៃព្រះរាជាណាចក្រ កម្ពុជា ប្រចាំ សាធារណរដ្ឋប្រជាមានិតចិន លោកស្រី ខែក ចៃម៉ាលី ស៊ីសោដា (H.E. Mrs. KHEK Cai Mealy Sysoda) ឯកអគ្គរដ្ឋទូតវិសាមញ្ញ និងពេញសមត្ថភាព ។
២. ស្ថានទូត នៃព្រះរាជាណាចក្រ កម្ពុជា ប្រចាំ ប្រទេស អាល្លឺម៉ង់ (លំនៅដ្ឋាន) ឆេក ក្រូអាត ហុងគ្រី ប៉ូឡូញ ស្លូវ៉ាគី និងស្លូវេនី លោកស្រី ភេន សាវនី (H.E. Mrs. PHEN Savny ) ឯកអគ្គរដ្ឋទូតវិសាមញ្ញ និងពេញសមត្ថភាព ។
៣. ស្ថានទូត នៃព្រះរាជាណាចក្រ កម្ពុជា ប្រចាំ ប្រទេស សាធារណៈ រដ្ឋ កូរ៉េ លោកស្រី ជ្រឹង បូទុមរង្សី (H.E. Mrs. CHRING Botum Rangsay ) ឯកអគ្គរដ្ឋទូតវិសាមញ្ញ និងពេញសមត្ថភាព ។
៤. ស្ថានទូត នៃព្រះរាជាណាចក្រ កម្ពុជា ប្រចាំនៅ ប្រទេស គុយបា (លំនៅដ្ឋាន) និង នីការ៉ាហ្គា លោកស្រី បាន បូរ៉ុម (H.E. Mrs. BAN Borom) ឯក អគ្គរដ្ឋទូតវិសាមញ្ញ និងពេញសមត្ថភាព ។
៥.ស្ថានទូត នៃព្រះរាជាណាចក្រ កម្ពុជា ប្រចាំ ប្រទេស ឡាវ (Laos) លោកស្រី ថោង សុគន្ធារី (H.E. Mrs. THONG Sokuntheary) ឯកអគ្គរដ្ឋទូតវិសាមញ្ញ និងពេញសមត្ថភាព ។
យោងតាមឯកសារពីក្រសួងការបរទេស និងសហប្រតិបត្តិការអន្តរជាតិកម្ពុជា បានឲ្យដឹងថា មកដល់ពេលនេះ កម្ពុជាមានស្ថានឯកអគ្គរាជទូត និងស្ថានតំណាងអចិន្ត្រៃយ៏នៅបរទេសចំនួន៣១រូប ប្រចាំនៅបណ្តាប្រទេសចំនួន៨៣ លើពិភពលោក និងមានកុងស៊ុលកិត្តិយសចំនួន២២ និងមានស្ថានអគ្គកុងស៊ុលចំនួន១២។
រហូតមកដល់ពេលបច្ចុប្បន្ននេះ ប្រទេសកម្ពុជាមានទំនាក់ទំនងជាមួយបណ្តាប្រទេសនៅលើពិភពលោកចំនួន១៧៤ប្រទេសហើយ។
