ហាងឆេងទីផ្សារហ៊ុននៅថ្ងៃសុក្រនេះហាក់មានការក្រឡុកខ្លាំង រហូតធ្វើឲ្យមហាសេដ្ឋីមួយចំនួនខាត់បង់ទ្រព្យសម្បត្តិរាប់ពាន់លានដុល្លារ ដែលបង្កឲ្យមានក្តីបារម្ភខ្លាចកើតមានអតិផរណា និងការរឹតបន្តឹងសេដ្ឋកិច្ច។
បើតាម Bloomberg Index ទ្រព្យសម្បត្តិរបស់ Elon Musk បានធ្លាក់ចុះដល់ទៅ ១៥,២ ពាន់លានដុល្លារនៅថ្ងៃសុក្រ ដែលជាការធ្លាក់ចុះខ្លាំងបំផុតសម្រាប់មហាសេដ្ឋីផ្នែកបច្ចេកវិទ្យា ក្រោយពេលតម្លៃហ៊ុនរបស់ Tesla ធ្លាក់ចុះជាបន្តបន្ទាប់។
ការធ្លាក់ចុះបែបនេះ បានធ្វើឲ្យទ្រព្យសម្បត្តិរបស់ Musk ធ្លាក់មកសល់ត្រឹម ២៦៨,៩ ពាន់លានដុល្លារ តែស្ថិតិនេះក៏នៅតែជាចំនួនកើនឡើង ៧២% ប្រចាំឆ្នាំផងដែរ។ នេះបើតាមការឲ្យដឹងពី Bloomberg Billionaires Index។
រីឯស្ថាបនិក Facebook លោក Mark Zuckerberg របូតទ្រព្យសម្បត្តិ ១,៣ ពាន់លានដុល្លារ ពីទ្រព្យសម្បត្តិសរុប ១១៤,៧ ពាន់លានដុល្លារ។
ដោយឡែក Jeff Bezos វិញខាតបង់ទ្រព្យសម្បត្តិប្រមាណ ២,៧ ពាន់លានដុល្លារ បន្ទាប់ពីតម្លៃភាគហ៊ុនរបស់ Amazon.com Inc. ធ្លាក់ចុះ ១,៤% ស្របពេលសហស្ថាបនិក Oracle Corp. លោក Larry Ellison ធ្លាក់ទ្រព្យសម្បត្តិ ២,៦ ពាន់លានដុល្លារ៕
ប្រភព: pmnewsnigeria
