ឧកញ៉ាបណ្ឌិត គីម ហ៊ាង ស្ថាបនិកនិងជាអគ្គនាយកបុរីវិមានសំណាង បានប្រកាសឈប់កាន់តួនាទីធំៗមួយចំនួន ដោយលោកចង់ផ្តោតលើគម្រោង បុរី វិមានសំណាង ១០០% ហើយក្នុងនោះលោកឧកញ៉ា ក៏កំពុងតែស្វែងរកអ្នកមកជំនួសតំណែងរបស់លោក ធ្វើជាប្រធានក្រុមហ៊ុន KW Cambodia ផងដែរ។
ម្ចាស់បុរីលំដាប់អភិជនរូបនេះ បានរៀបរាប់លើហ្វេសប៊ុក នាព្រឹកថ្ងៃអង្គារ ទី០៩ ខែសីហា ឆ្នាំ២០២២នេះថា ១)តួរនាទីជា CEO របស់ក្រុមហ៊ុន ខ្មែរ រៀល អុីស្ទេត គឺលោកនឹងឈប់ប្រើ ដោយកំពុងប្រគល់ការងារឱ្យថ្នាក់ក្រោមបណ្តើរៗ ២)តួនាទីជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា គឺលោកប្រើក្នុងឆ្នាំ ២០១៥ ដល់ ២០១៨ តែប៉ុណ្ណោះ ៣)តួរនាទីជា Regional Operating Principal ឬប្រធាន KW Cambodia ក៏លោកកំពុងរកអ្នកមកជំនួស ៤)តំណែងច្រើនពេក ការងារច្រើនពេក ល្អតែមើលទេ ៥)បុរី វិមានសំណាង គឺជាគម្រោងអភិវឌ្ឍន៌វីឡាប្រណិត លំដាប់អភិជន ដ៏ធំបំផុតមួយ ដែលលោក និងភរិយា ដាក់ទុន ១០០% ដូច្នេះលោកត្រូវផ្តោតលើគំរោងនេះ ១០០%។
គួរបញ្ជាក់ថា ឧកញ៉ាបណ្ឌិត គីម ហ៊ាង និងភរិយាលោកជំទាវឧកញ៉ា គង់ សំណាង ទើបតែសម្ពោធការិយាល័យលក់ និង Showroom បុរី វិមានសំណាង ជាផ្លូវការ កាលពីថ្ងៃអាទិត្យ ទី៣១ ខែកក្កដា ឆ្នាំ២០២២ ដោយមានអ្នកមុខអ្នកការ រួមទាំងអ្នកឧកញ៉ា និងឧកញ៉ា ដល់ទៅ ១០០រូប ក៏បានចូលរួមអបអរសាទររូបលោកផងដែរ៕
