ក្នុងឱកាសពិធីបុណ្យចូលឆ្នាំថ្មីប្រពៃណីចិន នាពេលខាងមុខនេះ ក្រុមហ៊ុន វីនហេង រចនា ដែកស្មិត បានរៀបចំប្រូម៉ូសិនពិសេសគឺ មានការផ្តល់ជូនអាំងប៉ាវ បញ្ចុះតម្លៃ ២០% សម្រាប់ទ្វាររបងគ្រប់ម៉ូដ និងអាំងប៉ាវ បញ្ចុះតម្លៃ ៣០% សម្រាប់គ្រឿងសង្ហារឹមគ្រប់ម៉ូដ។ ប្រូម៉ូសិនដ៏ពិសេសមួយនេះ នឹងមានការផ្ដល់ជូនចាប់ពីថ្ងៃផ្សាយដំណឹង រហូតដល់ថ្ងៃចូលឆ្នាំថ្មីប្រពៃណីចិនតែម្តង។
ជាមួយគ្នានេះ នៅថ្ងៃអាទិត្យ ទី០៤ ខែកុម្ភៈ ឆ្នាំ២០២៤ ក្រុមហ៊ុន វីនហេង រចនា ដែកស្មិត នឹងមានកម្មវិធីសម្ពោធការិយាល័យថ្មីរបស់ខ្លួន នៅក្នុងបុរីពិភពថ្មីគួរស្រូវ១ ផ្លូវជាតិលេខ២។ ក្នុងថ្ងៃពិធីសម្ពោធការិយាល័យថ្មីនេះ ភ្ញៀវកិត្តិយស អាចអញ្ជើញចូលរួមទស្សនាវីដេអូអំពី ក្រុមហ៊ុន វីនហេង រចនា ទស្សនាផលិតផល ពិសារអាហារ និងអាចមានឱកាសឈ្នះរង្វាន់ទៀតផង។
លោកស្រី លី ផល្លី អគ្គនាយិកា ក្រុមហ៊ុន វីនហេង រចនា ដែកស្មិត បានលើកឡើងថា ការបន្តពង្រីកការិយាល័យថ្មី ក្រុមហ៊ុន វីនហេង រចនា ដែកស្មិត នៅលើផ្លូវជាតិលេខ ២ នេះ គឺដើម្បីពង្រឹង និងពង្រីកសេវាកម្មគ្រប់ប្រភេទរបស់ក្រុមហ៊ុនដែកស្មិត ឱ្យកាន់តែទូលំទូលាយ និងបង្ខិតសេវាកម្មគ្រប់ប្រភេទ ដែលក្រុមហ៊ុនមាន ឱ្យកាន់តែជិតអតិថិជន។ ជាមួយគ្នានេះ ការផ្ដល់ជូនប្រូម៉ូសិនរហូតដល់ ២០% ទៅលើផលិតទ្វាររបងគ្រប់ម៉ូតជូនអតិថិជន ក្នុងឱកាសបើកសម្ពោធការិយាល័យថ្មីនេះ ក៏ដើម្បីអបអរសាទរសាខាថ្មី និងឱ្យអតិថិជនបានស្គាល់កាន់តែច្បាស់ ពីផលិតផល និងសេវាកម្ម ផលិតផលដែកស្មិត របស់កូនខ្មែរ ថាយើងពិតជាអាចធ្វើបាន មិនចាញ់បរទេសឡើយ។
ជាចក្ខុវិស័យទៅថ្ងៃអនាគត ក្នុងនាមជាក្រុមហ៊ុនដែកស្មិតខ្មែរ លោកស្រី មានបំណងលើកស្ទួយសិល្បៈវប្បធម៌របស់ខ្មែរ តាមរយៈបញ្ចូលក្បាច់ចម្លាក់ខ្មែរទៅលើផលិតផលរបស់ក្រុមហ៊ុន និងមានការទទួលស្គាល់ប្រើប្រាស់ទាំងក្នុងស្រុក និងក្រៅស្រុក។ លោកស្រី លី ផល្លី បន្ថែម។
គួរបញ្ជាក់ថា ក្រុមហ៊ុន វីនហេង រចនា ដែកស្មិតខ្មែរ គឺជាក្រុមហ៊ុនក្នុងស្រុក បង្កើតឡើងដោយកូនខ្មែរ ដែលមានជំនាញផលិត និងតម្លើងទ្វារ ចំរឹងបង្អួច របងផ្ទះ បង្កាន់ដៃវ៉េរ៉ង់ដា បង្កាន់ដៃជណ្តើរ តុ កៅអី និងគ្រឿងសង្ហារឹមផ្សេងៗទៀត ដែលកែច្នៃចេញពីដែកស្មិត សម្រាប់លម្អវីឡា ភូមិគ្រឹះ និងគេហដ្ឋានទទួលបានការទទួលស្គាល់ ការគាំទ្រ និងការជ្រោមជ្រែងយ៉ាងខ្លាំងពីភ្ញៀវ មកពីគ្រប់ស្រទាប់វណ្ណៈ និងបណ្តាខេត្ត/ក្រុងទាំង ២៥ ទូទាំងប្រទេស។
