ព្រះរាជពិធីបុណ្យ ច្រត់ព្រះនង្គ័ល និងពិធីតាំងពិព័រណ៍ផលិតផលកសិកម្ម សិប្បកម្មក្នុងស្រុកឆ្នាំ២០២៤ បានប្រារព្វធ្វើឡើងនៅទីរួមខេត្តកំពង់ស្ពឺ ក្រោមព្រះរាជាធិបតីដ៏ខ្ពង់ខ្ពស់បំផុត ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា អមព្រះរាជដំណើរដោយសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។
ក្នុងឱកាសដ៏មហោឡារិកនេះ ព្រះករុណា ព្រះមហាក្សត្របានយាងទតពិព័រណ៌សំបកកង់ឡានម៉ាក សៃលុន (SAILUN)។
សៃលុន គឺជារោងចក្រផលិតសំបកកង់ឡានធំជាងគេ និងដំបូងគេបង្អស់នៅកម្ពុជាដែលបានប្រើប្រាស់វត្ថុធាតុដើម (ជ័រកៅស៊ូ) នៅក្នុងស្រុក ១០០ភាគរយ។ ព្រះរាជពិធីបុណ្យ ច្រត់ព្រះនង្គ័លឆ្នាំនេះ សង្កេតឃើញថាមានផលិតផលមួយដ៏លេចធ្លោរដែលពុំធ្លាប់មានកន្លងមក នោះគឺសំបកកង់ឡានម៉ាក សៃលុន (SAILUN) ដែលជាផលិតផលស្នូលមួយជួយទ្រទ្រង់ដល់សេដ្ឋកិច្ចជាតិយ៉ាងសកម្ម។
អ្វីដែលកាន់តែពិសេសជាងនេះទៅទៀតនោះគឺ ផលិតផលនេះបានចូលរួមលើកកម្ពស់ដំណាំកៅស៊ូ ដែលជាកសិផល កសិកម្មរបស់ប្រទេសកម្ពុជាផងដែរ។
គួរបញ្ជាក់ថា ក្រុមហ៊ុន PIC Tire Co.,Ltd មានរោងចក្រផលិតសំបកកង់នៅក្នុងខេត្តស្វាយរៀង ប្រទេសកម្ពុជា ដែលជាក្រុមហ៊ុនទទួលសិទិ្ធចែកចាយផ្តាច់មុខនូវផលិតផលសំបកកង់ឡានទាំងក្រៅ និងផលិតផលដែលផលិតក្នុងប្រទេសម៉ាក Sailunបានសម្ពោធជាផ្លូវការនៅថ្ងៃទី០៣ ខែកុម្ភៈ ឆ្នាំ២០២៤។
រោងចក្រផលិតសំបកកង់រថយន្តម៉ាក Sailun មានទំហំផ្ទៃដីសរុប ១២០ ហិចតា បង្កើតការងារជូនប្រជាពលរដ្ឋប្រមាណជាជាង ៣៥០០ កន្លែង។ អ្វីដែលគួរឱ្យភ្ញាក់ផ្អើលនៅក្នុងរោងចក្រមួយនេះ គ្រប់ផ្នែកទាំងអស់ មិនថាផ្នែកវិស្វករ ផ្នែកលាយជ័រកៅស៊ូ ផ្នែកផលិត ផ្នែកនាំចេញ ផ្នែកត្រួតពិនិត្យគុណភាព សុទ្ធសឹងតែជាជនជាតិខ្មែរ។
ចំពោះជ័រកៅស៊ូដែលជាវត្ថុធាតុដើមជាចំបងក្នុងការផលិតសំបកកង់ដែលមានគុណភាពដ៏ល្អឥតខ្ចោះនេះ គឺត្រូវបានប្រើប្រាស់ជ័រកៅស៊ូ ដែលជាដំណាំកសិផលជាតិខ្មែរស្ទើរតែទាំងស្រុង។ តាមរបាយការណ៍របស់រោងចក្រ បានបង្ហាញថា រោងចក្រមួយនេះ នឹងប្រើប្រាស់ជ័រកៅស៊ូសរុបរហូតដល់ទៅ ៣០% នៃទិន្នផលដំណាំកៅស៊ូសរុបនៅក្នុងប្រទេសកម្ពុជាទាំងមូល។ ប្រសិនបើមានរោងចក្រប្រភេទនេះ តែ៣រោងចក្រ នឹងអាចប្រើប្រាស់ជ័រកៅស៊ូរហូតដល់ ៩០% នៃទិន្នផលដំណាំកៅស៊ូកម្ពុជាសរុប។ កត្តានេះហើយដែលជាផ្នែកមួយដ៏សំខាន់ក្នុងការជំរុញលើកកម្ពស់ទៅលើវិស័យដំណាំកៅស៊ូជាតិ ដែលជាផ្នែកមួយនៃវិស័យកសិកម្មរបស់ប្រទេសកម្ពុជា៕
