(ភ្នំពេញ)៖ កាលពីថ្ងៃទី៣១ ខែធ្នូ ឆ្នាំ២០២៤ បុរី មេគង្គ លែន បានរៀបចំកម្មវិធីជប់លៀងបុគ្គលិកគ្រប់ជាន់ថ្នាក់ «THE MEKONG LAND COUNTDOWN PARTY» ដ៏ធំនៅគម្រោង «មេគង្គ ស៊ីធី» ដែលស្ថិតនៅតាមបណ្តោយផ្លូវជាតិ ៦A។
កម្មវិធីនេះ បង្កើតឡើងយ៉ាងពិសេសដើម្បីឆ្លងឆ្នាំរួមគ្នា របស់ថ្នាក់ដឹកនាំ និងបុគ្គលិកពីគ្រប់ជាន់ថ្នាក់របស់ក្រុមហ៊ុនបុត្រសម្ព័ន្ធទាំង ៣ ដែលមានដូចជា ក្រុមហ៊ុន បុរី មេគង្គ លែន ក្រុមហ៊ុន ខេ អិន អិន ខេមបូឌា, និងផ្សារសហគមន៍ MC PARK ។ លើសពីនេះទៅទៀត ក្រុមហ៊ុន ក៏បានអញ្ចើញ ដៃគូរសហការណ៍ និងអតិថិជនផងដែរ មានដូចជា ធនាគារ , ដៃគូអាជីវកម្មរបស់ផ្សារសហគមន៍ MC Park, Influencers ល្បីៗប្រចាំប្រទេសកម្ពុជា ក្នុងបណ្តាញសង្គម និងអតិថិជនរបស់បុរី មេគង្គ លែន ផងដែរដើម្បី បង្កើតទំនាក់ទំនងស្និទស្នាល រវាងគ្នានិងគ្នា។
អ្នកឧកញ៉ា ជាម ឃុនណាត ជាស្ថាបនិក និងអគ្គនាយកនៃ បុរី មេគង្គ លែន និង ក្រុមហ៊ុន ខេ អិន អិន ខេមបូឌាបានមានប្រសាសន៍ដ៏មានអត្ថន័យក្នុងកម្មវិធីថា៖ «យើងបង្កើតកម្មវិធីនេះឡើង ដើម្បីជាការជួបជុំ បង្កើនភាពស្និទស្នាល និងការចែករំលែកនូវភាពសប្បាយរីករាយរួមគ្នានាឱកាសឆ្លងឆ្នាំសកល២០២៤ ឈានចូល ឆ្នាំ២០២៥ នេះ និងជាការថ្លែងអំណរគុណដល់ អតិថិជននូវភាពជឿជាក់ និងទំនុកចិត្ត , ថ្លែងអំណរគុណដល់ធនាគារនិងដៃគូរសហការផ្សេងៗទៀតដែលតែងតែគាំទ្ររហូតមក និងជាការកោតសរសើរនូវការខិតខំប្រឹងប្រែងរបស់បុគ្គលិកគ្រប់ជាន់ថ្នាក់ទាំងអស់សម្រាប់សមិទ្ធផលនាឆ្នាំកន្លងទៅនេះ»។
«THE MEKONG LAND COUNTDOWN PARTY» ជាព្រឹត្តិការណ៍ដ៏ធំមួយក្នុងចំណោមព្រឹត្តិការណ៍ធំៗជាច្រើនប្រចាំឆ្នាំ២០២៤របស់ បុរី មេគង្គ លែន ដែលមានមនុស្សជាច្រើនកុះករបានចូលរួម និងបង្កើតបានជាកម្រងទស្សនីយភាពដ៏អស្ចារ្យមួយសម្រាប់ស្វាគមន៍នូវការបើកទំព័រឆ្នាំថ្មីគ្រិស្តសករាជ ២០២៥ ដោយមានជាការទទួលទានអាហារពេលល្ងាចបែប GALA DINNER, ការសម្ដែងល្ខោនខោល «កូរសមុទ្រទឹកដោះ», ការសម្ដែងបែបសហសម័យ, ការសម្តែងពីតារាងចម្រៀងល្បីៗដូចជា លោក ឌួង វីរៈសិទ្ធ លោកស្រី ហ៊ឹម ស៊ីវន និងឈុតនៃការសម្ដែងពិសេសៗជាច្រើនទៀត ដែលជាការរាប់ថយក្រោយទទួលឆ្នាំថ្មីជាមួយនឹងការបាញ់កាំជ្រួចជះពន្លឺដ៏ស្រស់ស្អាតនាពេលរាត្រី ធ្វើឱ្យទេសភាពក្នុងគម្រោង «មេគង្គ ស៊ីធី» កាន់តែស្រស់ត្រកាលនិងលេចធ្លោមួយកម្រិតទៀតជាមួយរចនាបថម៉ូដគេហដ្ឋានប្រណីតក្លាស៊ិកបែបអឺរ៉ុប។
ដើម្បី ជាកាដូជូនដល់អ្នកចូលរួម និងញ៉ាំងបរិយាកាសឱ្យកាន់តែសប្បាយរីករាយ កម្មវិធីក៏បានបញ្ជូលការលេងហ្គេម lucky draw ដែលមានរង្វាន់ដូចជា៖ នាឡិកាព្យួរជញ្ជាំង 1 រង្វាន់, ឆ្នាំងដាំបាយចំនួន 10 រង្វាន់, កង្ហារ 13 រង្វាន់, ម៉ាស៊ីន Air Cooler 4 រង្វាន់, Speaker ២រង្វាន់, ទូរទស្សន៍ ២រង្វាន់, iPad ២រង្វាន់, iPhone 16 Pro ២រង្វាន់ និងម៉ូតូ Honda Wave 2025 ចំនួន ៥រង្វាន់។
បុរី មេគង្គ លែន ក្រុមហ៊ុន ខេ អិន អិន ខេមបូឌា, និងផ្សារសហគមន៍ MC PARK សូមអបអរសាទរឆ្នាំថ្មី 2025 និងសូមឆ្លៀតឱកាសនេះគោរពជូនពរ បវសួស្តី មហាប្រសើរ កើតមានដល់ ទ្រង់ ឯកឧត្តម លោកជំទាវ ឧកញ្ញា លោក លោកស្រី អ្នកនាង កញ្ញា សូមជួបប្រទះតែ សេចក្តីសុខ សេចក្តីចម្រើន សុភមង្គល រកទទួលទានមានបាន សុខភាពល្អបរិបូរណ៌ និងទទួលបានជោគជ័យលើគ្រប់ភារកិច្ចការងារក្នុងឆ្នាំថ្មី 2025 នេះ។
បុរី មេគង្គ លែន ផ្តើមជីវិតរីករាយនិងជោគជ័យនៅទីនេះ!
KNN Cambodia ក្រុមហ៊ុនផ្គត់ផ្គង់គ្រឿងចក្រ និងរថយន្តឈានមុខគេនៅកម្ពុជា!
MC Park Community Mall ប្រមូលផ្តុំដោយហាងអាហារចម្រុះ អមដោយសម្រស់ធម្មជាតិ!
