បើទោះបីគន្លឹះទាំងនេះមិនមែនជារូបមន្តជាក់លាក់ សម្រាប់ជោគជ័យក៏ដោយ តែក៏មានវិធីមួយចំនួន ដើម្បីជួយយើងក្នុងការចាប់ផ្ដើមសុបិន ជាមួយអាជីវកម្មខ្នាតតូចមួយដែលមានផែនការច្បាស់និងប្រកបដោយទំនុកចិត្ត។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
គេហទំព័រឧកញ៉ាញូស៍ សូមលើកបើកកកាយ ៦គន្លឹះដើម្បីជាយន្តការក្នុងចាប់ផ្ដើមអាជីវកម្មខ្នាតតូចមួយ ឆ្ពោះទៅរកជោគជ័យបាន៖
១. ស្វែងរកទីផ្សារ៖ រឿងពិបាកបំផុតមួយ នៃការចាប់ផ្ដើមអាជីវកម្ម គឺការជ្រើសរើសទីផ្សារឲ្យបានត្រឹមត្រូវ។ ក្រុមហ៊ុនថ្មីអាចនឹងជួបការលំបាកត្រង់ចំណុចនេះ។ ប៉ុន្តែសូមគិតពីទីផ្សារជាពិសេស និងច្នៃប្រឌិត ដើម្បីវិនិយោគ សូមធ្វើការស្រាវជ្រាវនិងស្វែងរកតម្រូវការដែលមិនទាន់មាន ឬគ្មានអ្នកណាទាន់ធ្វើ។
ធ្វើការវិនិយោគចម្រុះនៅក្នុងអាជីវកម្មខ្នាតតូច ដែលនឹងកំណត់គោលដៅ ដើម្បីបំពេញសេចក្ដីត្រូវការរបស់អតិថិជន។
២. ធានាហិរញ្ញវត្ថុ៖ សហគ្រិនត្រូវចេះសន្សំសំចៃនៅពេលនិយាយអំពីហិរញ្ញវត្ថុ ហើយរៀបចំផែនការចំណាយឲ្យបានល្អមុនពេលចាប់ផ្ដើមការបណ្ដាក់ទុន។ កំណត់គោលដៅជាក់ស្ដែង និងអាចសម្រេចបានសម្រាប់ខ្លួនឯង ដើម្បីចៀសវាងការចំណាយច្រើន និងត្រូវប្រកាន់ខ្ជាប់នូវថវិកាតឹងរ៉ឹងគ្រប់ពេល។
កុំស្ទាក់ស្ទើរក្នុងការទាក់ទងជាមួយអ្នកស្គាល់គ្នា ឬនិយាយជាមួយអ្នកជំនាញ ប្រសិនបើអ្នកត្រូវការជំនួយ ក្នុងការធ្វើផែនការមួយនេះ។
៣. ចាប់ផ្ដើមយុទ្ធនាការទីផ្សារឆ្លាត៖ យុទ្ធសាស្ត្រទីផ្សារប្រកបដោយការច្នៃប្រឌិតនិងប្លែក អាចជួយឲ្យអាជីវកម្មរបស់អ្នកលក់បានដាច់ខ្លាំង។ កុំដាក់កម្រិតខ្លួនចំពោះវិធីសាស្ត្រទីផ្សារបែបប្រពៃណី ដូចជាប័ណ្ណផ្សព្វផ្សាយ និងខិត្តប័ណ្ណ។ នៅក្នុងយុគសម័យឌីជីថលនេះ វាមានភាពងាយស្រួលជាងមុន ក្នុងការឈោងទៅរកអតិថិជនសក្ដានុពល។
ទាញយកអត្ថប្រយោជន៍ពីបណ្ដាញ ដោយបង្កើតតាមមធ្យោបាយវៃឆ្លាត ដើម្បីជួយផ្សព្វផ្សាយពីជំនួញរបស់អ្នក។ ធ្វើឲ្យគេមើលឃើញអាជីវកម្មយើងនៅក្នុងពិភពប្រព័ន្ធផ្សព្វផ្សាយសង្គម។
៤. គិតដើម្បីការលូតលាស់ទៅមុខ៖ មិនមានអ្វីខុសទេ ក្នុងការចាប់ផ្ដើមពីតូចទៅ ហើយរឿងសំខាន់គឺថា អ្នកមិនឈប់នៅទីនោះទេ ។ អ្នកនៅតែអាចទទួលបានជោគជ័យ ទោះបីជាចាប់ផ្ដើមពីមធ្យោបាយតូចតាចក៏ដោយ ដរាបណាអ្នកនៅតែមានគោលដៅខ្ពស់។
មិនចាំបាច់ដាក់សម្ពាធខ្លួនឯង ឲ្យប្រញាប់ទេ សន្សឹមៗ គិតមួយៗ ដើម្បីគោលដៅទៅថ្ងៃមុខបន្តទៀត។
៥. រកដៃគូសហការ៖ យើងមិនអាចដំណើរការអាជីវកម្មតែម្នាក់ឯងបានទេ វាត្រូវការការគាំទ្រទាំងអស់ ជាពិសេសប្រសិនបើនេះជាការផ្សងព្រេងដំបូងរបស់អ្នក។ ស្វែងយល់ពីមុខតំណែងសំខាន់ៗក្នុងអាជីវកម្មខ្នាតតូចរបស់អ្នក និងមនុស្សដែលអាចបំពេញមុខងារទាំងនេះបាន។
៦. ទទួលយកហានិភ័យ៖ កុំឲ្យក្ដីសុបិនរបស់អ្នក គ្រាន់តែជាសុបិន។ ការចាប់ផ្ដើមអាជីវកម្មខ្នាតតូច គឺពាក់ព័ន្ធនឹងហានិភ័យជាច្រើន ហើយជារឿងធម្មតាដែលយើងតែងភ័យនិងស្ទាក់ស្ទើរ នៅពេលដំបូង។ ទោះយ៉ាងណា អ្នកគួរតែយកជំហាននៃសេចក្ដីជំនឿនោះ។
ភាពជោគជ័យមិនកើតឡើងតែមួយយប់នោះទេ ប៉ុន្តែជាជ័យជម្នះតូចតាច ដែលនៅតាមផ្លូវ។ វាអាចចំណាយពេលច្រើនខែ ឬច្រើនឆ្នាំ សម្រាប់ភាគច្រើន ប៉ុន្តែដោយការតស៊ូនិងការខិតខំអាជីវកម្មរបស់អ្នក នឹងរីកចម្រើនបន្តិចម្តងៗ ៕
