ភ្នំពេញ៖ រក្សាកេរ្តិ៍ឈ្មោះជាអ្នកឧបត្ថម្ភគុនខ្មែរដំបូងគេ និងច្រើនជាងគេនៅម្ពុជា ខ្មែរ ប៊ែវើរីជីស បន្តសហការក្នុងការឧបត្ថម្ភដល់ក្លឹប KKIF ដើម្បបង្កើតព្រឹត្តិការណ៍កាន់តែធំសម្បើម ឈានដល់ការនាំយកកីឡាករលំដាប់ពិភពលោក មកដណ្តើមខ្សែក្រវាត់ WBC លំដាប់ពិភពលោក លើសង្វៀននៃប្រទេសកម្ពុជា។
កាលពីថ្ងៃទី១៨ ខែសីហា ឆ្នាំ២០២៤ ក្រុមហ៊ុនខ្មែរ ប៊ែវើរីជីស បានធ្វើសន្និសីទកាសែតប្រកាសជាផ្លូវការស្ដីពីការឧបត្ថម្ភដល់ព្រឹត្តិការណ៍ WURKZ អថ័នសីមា គុនខ្មែរ ដែលនឹងនាំយកកីឡាករលំដាប់ពិភពលោកមកប្រកួតនៅលើសង្វៀននៃប្រទេសកម្ពុជា ដើម្បីដណ្ដើមខ្សែក្រវាត់ WBC ថែមទាំងមានការប្រកួតគូអន្តរជាតិដណ្ដើមខ្សែក្រវាត់ និងមិត្តភាព ជាច្រើននៅលើសង្វៀនតែមួយនេះផងដែរ។
ព្រឹត្តិការណ៍លំដាប់សកលលោកនេះ មិនត្រឹមតែចូលរួមលើកស្ទួយវិស័យកីឡាគុនខ្មែរទេ ប៉ុន្តែជាយានមួយក្នុងការផ្សព្វផ្សាយវិស័យទេសចរណ៍ ដែលជាសសរស្តម្ភសេដ្ឋកិច្ចដ៏សំខាន់មួយរបស់កម្ពុជា។ ដូច្នេះក្នុងនាមជាក្រុមហ៊ុនដែលមានដើមកំណើតជាកូនខ្មែរ ខ្មែរ ប៊ែវើរីជីស មានសេចក្ដីសោមនស្ស និងរីករាយក្នុងការឧបត្ថម្ភព្រឹត្តិការណ៍ដែលនាំយកកិត្យានុភាពនៃខ្មែរទៅកាន់ពិភពលោក មួយនេះ។ បន្ថែមពីនេះ ខ្មែរ ប៊ែវើរីជីស ក៏មិនរំលងក្នុងការជ្រោមជ្រែងសង្វៀនក្នុងស្រុក ដោយឧបត្ថម្ភដល់ការប្រកួតគុនខ្មែរមិនតិចជាង ៥សង្វៀន ក្នុងមួយសប្ដាហ៍ ច្រើនជាងគេនៅកម្ពុជា។
គួរកត់សម្គាល់ថា ក្នុងរយៈពេល ៣ថ្ងៃជាប់ៗគ្នា ខ្មែរ ប៊ែវើរីជីស បានសហការឧបត្ថម្ភដល់សហព័ន្ធកីឡាធំៗចំនួន២ផ្សេងគ្នា គឺសហព័ន្ធកីឡាប្រដាល់គុនខ្មែរ ឧបត្ថមកម្មវិធីប្រកួតប្រដាល់គុនខ្មែរនិង KICK BOXING ដើម្បីពង្រឹងបច្ចេកទេសកីឡាករ កីឡាការនីជម្រើសជាតិដើម្បីចូលរួមប្រកួតនៅក្រៅប្រទេស និងបណ្តុះបណ្តាលកីឡាករថ្នាលក្នុងទិសដៅឆ្ពោះទៅកាន់កីឡាយុវជនអាស៊ី និងស៊ីហ្គេម នាពេលខាងមុខ ព្រមទាំងឧបត្ថម្ភទាំងស្រុងដល់កីឡាករគុនខ្មែរទៅប្រកួតលើសង្វៀនអន្តរជាតិ ដែលរៀបចំដោយសហព័ន្ធកីឡាប្រដាល់គុនខ្មែរ ។ មួយទៀតគឺការឧបត្ថម្ភដល់សហព័ន្ធកីឡាបាល់ទះកម្ពុជា រហូតដល់ទៅ៤កម្មវិធី ៣ពានរង្វាន់ផ្សេងគ្នា រួមមាន ការប្រកួតមិត្តភាពក្នុងតំបន់ SEA V LEAGUE 2024, ការប្រកួតដណ្ដើមពានរង្វាន់សម្ដេចមហាបវរធិបតី, ការប្រកួតដណ្ដើមពានសម្ដេចក្រឡាហោម ស ខេង និងឧបត្ថម្ភដល់ព្រឹត្តិការណ៍ប្រកួតទូទាំងប្រទេស WURKZ Special Volleyball Challenge 2025។ ចុងក្រោយគឺការឧបត្ថម្ភដល់ព្រឹត្តិការណ៍ WURKZ អថ័នសីមា គុនខ្មែរ ដែលជាការប្រកួតលំដាប់ពិភពលោកខាងមុខនេះ។
ក្រុមហ៊ុន ខ្មែរ ប៊ែវើរីជីស ជាក្រុមហ៊ុនវិនិយោគដោយសហគ្រិនខ្មែរ ១០០% ដែលផលិតស្រាបៀរ និងភេសជ្ជៈជាច្រើនប្រភេទជាមួយគុណភាពខ្ពស់ស្របតាមស្តង់ដារអន្តរជាតិរួមមាន៖ CAMBODIA, ភេសជ្ជៈប៉ូវកម្លាំង វើក WURKZ, ទឹកក្រូច អាយស៍កូឡា IZE Cola, ទឹកពិសា កម្ពុជា, ភេសជ្ជៈប៉ូវកម្លាំង អាយស៊ី ឃូល រសជាតិម៉ុងតុល, ភេសជ្ជៈ អិចប្រេស រសជាតិស្ត្រប៊ែរី, និងភេសជ្ជៈប៉ូវកម្លាំង KIZZ រសជាតិម៉ុងតុល៕
