ជិតឆ្លងឆ្នាំទៅហើយ! មាស សុខសោភា បង្ហាញដៃគូជីវិតពិត

តារាចម្រៀងជួរមុខក្នុងប្រទេសកម្ពុជា មាស សុខសោភា នៅថ្ងៃទី២៨ ខែធ្នូ ឆ្នាំ២០២០នេះ បានបង្ហាញដៃគូជីវិតរបស់នាងលើបណ្តាញសង្គម និងបានពោលពាក្យដ៍មានន័យផ្អែមល្អែមស្អិតរមួតជាមួយដៃគូរជីវិតនាង។

តារាចម្រៀងស្រីដែលទើបចាកចេញពីផលិតកម្មថោនរូបនេះ បានបង្ហោះសារថា សុភមង្គលនិងក្ដីសុខពិតប្រាកដគឺបាននៅជាមួយមនុស្សម្នាក់ដែលអាចទទួលយកអ្វីៗគ្រប់យ៉ាងពីយើង លះបង់អ្វីៗគ្រប់យ៉ាងដែរគាត់ស្រលាញ់ដើម្បីយើង ហ៊ានធ្វើអ្វីៗគ្រប់យ៉ាងដើម្បីយើង នៅក្បែរយើង ផ្ដល់កំលាំងចិត្តអោយយើងគ្រប់ពេលវេលា សូម្បីបែកគ្នា5នាទីក៏នឹកដល់គ្នា។

មាស សុខសោភា បានបន្តថា រីករាយខួប 11ឆ្នាំរបស់យើង អរគុណគ្រប់យ៉ាងដែលបានធ្វើដើម្បីខ្ញុំ វាជាក្ដីសុបិន្តមួយដែរក្លាយជាការស្រលាញ់ពិតប្រាកដ។